મધ્યપ્રદેશના ડિંડોરી અને અનુપપુર જિલ્લામાં સાલના વૃક્ષોમાં ફેલાયેલા ખતરનાક બોરર ઈન્સેક્ટના સંક્રમણને રોકવા માટે કેન્દ્ર સરકારે **1,56,319** વૃક્ષો કાપવાની મંજૂરી આપી છે.
કેન્દ્ર સરકારે મધ્યપ્રદેશના ડિંડોરી અને અનુપપુર જિલ્લામાં 1,56,319 સાલના વૃક્ષોને કાપવાની મંજૂરી આપી છે. અમરકંટક ક્ષેત્રમાં ફેલાયેલા 'સાલ બોરર' જીવાતના ઉપદ્રવને નિયંત્રિત કરવા માટે આ કડક નિર્ણય લેવામાં આવ્યો છે. આગામી ઓક્ટોબર મહિનાથી આ કામગીરી શરૂ કરવામાં આવશે, જેથી આ રોગચાળો જંગલના અન્ય ભાગોમાં ન ફેલાય.
આંકડાઓમાં સમજો પરિસ્થિતિ:
ડિંડોરી જિલ્લામાં સૌથી વધુ 1,46,784 અને અનુપપુર જિલ્લામાં 9,535 વૃક્ષો દૂર કરવામાં આવશે. ડિંડોરીનો કારંજિયા રેન્જ વિસ્તાર સૌથી વધુ પ્રભાવિત છે, જ્યાં કુલ અસરગ્રસ્ત વૃક્ષોના 90% ભાગ આવેલા છે.
નિષ્ફળ રહ્યા હતા અગાઉના પ્રયાસો:
વન વિભાગે આ રોગચાળાને અટકાવવા અગાઉ મિકેનિકલ પગલાં લીધા હતા. સ્થાનિક આદિવાસીઓની મદદથી લગભગ 19 લાખ જીવાતો એકત્ર કરવામાં આવી હતી અને આ કામગીરી પાછળ વન વિભાગે ₹38.5 લાખ ખર્ચ્યા હતા. જોકે, આ પ્રયાસો છતાં જીવાતનો પ્રકોપ ઘટવાને બદલે વધ્યો હતો.
આ વૃક્ષોનું નિકંદન જંગલના ઇકોસિસ્ટમ માટે મોટો પડકાર છે, કારણ કે સાલના વૃક્ષો લાકડું અને અન્ય વન પેદાશો માટે ખૂબ મહત્વના છે. હવે વહીવટી તંત્ર માટે આ લાકડાનો યોગ્ય નિકાલ અને ભવિષ્યમાં જંગલને ફરીથી જીવંત કરવાના પ્લાનિંગ પર સૌની નજર રહેશે.