US માં વર્ષ **2007** અને Japan માં વર્ષ **1996** પછી બોન્ડ યીલ્ડ સૌથી ઉચ્ચ સ્તરે પહોંચી છે. મોંઘવારી અને સેન્ટ્રલ બેંકની પોલિસીને કારણે આવેલી આ તેજીથી ઈક્વિટી માર્કેટમાં સાવધાનીનો માહોલ છે.
વૈશ્વિક ડેટ માર્કેટમાં મોટો બદલાવ જોવા મળી રહ્યો છે. 10-year US Treasury yield વધીને 5.125% પર પહોંચી ગઈ છે, જે 2007 પછીનું સૌથી ઉંચુ સ્તર છે. તે જ રીતે, 10-year Japanese government bond yield પણ વધીને 3.075% થઈ ગઈ છે, જે ઓગસ્ટ 1996 પછીની ટોચ છે. આ આંકડા સ્પષ્ટ કરે છે કે સેન્ટ્રલ બેંક લાંબા સમય સુધી વ્યાજ દર ઉંચા રાખવાના મૂડમાં છે.
બોન્ડ યીલ્ડનો વધારો કેમ ચિંતાજનક છે?
જ્યારે અમેરિકન બોન્ડ યીલ્ડ વધે છે, ત્યારે રોકાણકારો શેર જેવા જોખમી એસેટ્સમાંથી પૈસા કાઢીને સુરક્ષિત ગણાતા બોન્ડ્સમાં રોકે છે. આનાથી ભારતીય શેરબજારમાં વિદેશી રોકાણ (FIIs) ઘટી શકે છે. વધુમાં, મજબૂત ડોલરને કારણે રૂપિયો નબળો પડી શકે છે, જેનાથી ક્રૂડ ઓઈલ અને ઈલેક્ટ્રોનિક્સની આયાત મોંઘી બનશે.
કંપનીઓ પર શું થશે અસર?
ભારતીય કંપનીઓ માટે વિદેશી કરજ (Foreign Debt) મોંઘું થઈ શકે છે. લોન રિફાઈનાન્સિંગનો ખર્ચ વધતા કંપનીઓના પ્રોફિટ માર્જિન પર દબાણ આવી શકે છે. રોકાણકારો હવે ગ્લોબલ લિક્વિડિટી અને ફડ (Federal Reserve) ના વલણ પર નજર રાખી રહ્યા છે.
વૈશ્વિક સંકેતો અને બજારની સ્થિતિ
MSCI Asia ex-Japan Index માં 0.94% નો ઘટાડો નોંધાયો છે. વેસ્ટ એશિયામાં અસ્થિરતા અને ફડની કડક નીતિને કારણે અફડાતફડી વધી છે. ક્રૂડ ઓઈલના ભાવ $102.27 પ્રતિ બેરલની આસપાસ છે. હવે બજારની નજર ડોનાલ્ડ ટ્રમ્પ અને શી જિનપિંગ વચ્ચેની સમિટ પર છે, જે ભવિષ્યમાં સ્થિરતા લાવી શકે છે.