USCIS દ્વારા EB-5 ઈન્વેસ્ટર વિઝાની અરજી ફીમાં બમણો વધારો કરવામાં આવ્યો છે, જે 30 નવેમ્બરથી અમલી થશે. આ નિર્ણયથી અમેરિકામાં કાયમી વસવાટ કરવા માંગતા ભારતીય પરિવારો પર સીધો આર્થિક બોજ વધશે.
USCIS નો મોટો નિર્ણય
યુનાઈટેડ સ્ટેટ્સ સિટિઝનશિપ એન્ડ ઈમિગ્રેશન સર્વિસિસ (USCIS) એ EB-5 ઈમિગ્રન્ટ ઈન્વેસ્ટર પ્રોગ્રામ હેઠળ ફી માળખામાં મોટો ફેરફાર જાહેર કર્યો છે. આ ફેરફારનો મુખ્ય હેતુ એજન્સીના સંચાલન અને વહીવટી ખર્ચને આવરી લેવાનો છે.
ફીમાં કેટલો વધારો?
- Form I-526: સ્ટેન્ડઅલોન રોકાણકારો માટે ફી $3,675 થી વધીને સીધી $7,615 થશે.
- ટેકનોલોજી સરચાર્જ: દરેક અરજી પર હવે $75 નો વધારાનો ટેકનોલોજી સરચાર્જ ફરજિયાત કરવામાં આવ્યો છે.
- Regional Centers: રીજનલ સેન્ટર દ્વારા અરજી કરનારાઓ માટે પણ ફીમાં નોંધપાત્ર વધારો ઝીંકવામાં આવ્યો છે. ખાસ કરીને Form I-956 ની ફી $17,795 થી વધીને $44,115 થઈ ગઈ છે.
ભારતીય રોકાણકારો માટે પડકારો
આ પ્રોગ્રામમાં રોકાણની મૂળ રકમ તો $8,00,000 (Targeted Employment Areas માટે) અને અન્ય પ્રોજેક્ટ્સ માટે $1.05 મિલિયન યથાવત છે. પરંતુ, વધેલી વહીવટી ફી હવે રોકાણકારો માટે વધુ એક આર્થિક ભારણ બનશે. સાથે જ, લાંબા પ્રોસેસિંગ બેકલોગ અને વાર્ષિક કન્ટ્રી કેપ્સ જેવા પ્રશ્નો તો યથાવત છે જ. હવે રોકાણકારોની નજર આ ઊંચી ફી સામે પ્રોસેસિંગની ઝડપ અને કાર્યક્ષમતામાં કેટલો સુધારો આવે છે તેના પર છે.