અમેરિકા સરકારે ફ્રોડ અને પાત્રતાના અભાવે **7,60,000** Affordable Care Act (ACA) હેલ્થ ઈન્સ્યોરન્સ પ્લાન રદ કર્યા છે. આ પગલાથી સરકારને **$2.2 અબજ**ની બચત થવાની ધારણા છે, સાથે જ નવા બ્રોકર રજિસ્ટ્રેશન પર **6 મહિના**નો પ્રતિબંધ મુકાયો છે.
અમેરિકાના હેલ્થકેર સેક્ટરમાં એક મોટું ઓપરેશન હાથ ધરવામાં આવ્યું છે. હેલ્થ સેક્રેટરી Robert F. Kennedy Jr. અને CMS એડમિનિસ્ટ્રેટર Mehmet Oz ના નેતૃત્વમાં એક ટાસ્ક ફોર્સે 7,60,000 હેલ્થ ઈન્સ્યોરન્સ પ્લાન રદ કર્યા છે. તપાસમાં બહાર આવ્યું છે કે આમાંના મોટાભાગના એકાઉન્ટ્સ કાં તો અસ્તિત્વમાં જ નહોતા અથવા તો નિયમો મુજબની યોગ્યતા ધરાવતા નહોતા. આ કાર્યવાહીથી સરકારને $2.2 અબજનું નુકસાન અટકવાની આશા છે.
બ્રોકર્સ પર સકંજો
આ કૌભાંડમાં સામેલ 569 જેટલા ઈન્સ્યોરન્સ બ્રોકર્સ પર ગાળિયો કસવામાં આવ્યો છે. CMS એ 1 ફેબ્રુઆરી, 2027 સુધી નવા બ્રોકર રજિસ્ટ્રેશન પર 6 મહિનાનો પ્રતિબંધ મુક્યો છે. યુએસની ઘણી હેલ્થ ઈન્સ્યોરન્સ કંપનીઓ પોતાના એન્રોલમેન્ટ માટે સીધી રીતે બ્રોકર્સ પર નિર્ભર હોય છે, જેના કારણે આ નિર્ણયથી માર્કેટમાં ગભરાટ જોવા મળી રહ્યો છે.
રોકાણકારો માટે શું છે જોખમ?
આ કડક નિયમોની અસર Centene, Molina Healthcare, UnitedHealth Group, CVS Health અને Elevance Health જેવી દિગ્ગજ કંપનીઓ પર પડી શકે છે. આ કંપનીઓ ACA ના ગ્રોથના આધારે પોતાનો રેવન્યુ વધારતી હતી. અત્યારે CMS વધુ 4,50,000 એનરોલીઝના ડેટાની તપાસ કરી રહ્યું છે. જો તપાસમાં વધુ કેસ સામે આવશે, તો કંપનીઓના સબસ્ક્રાઈબર આંકડા અને ઓપરેટિંગ માર્જિન પર તેની નકારાત્મક અસર જોવા મળી શકે છે.