Ministry of Petroleum & Natural Gas દ્વારા વર્ષ 1934ના જૂના Petroleum Act માં મોટા સુધારાનો પ્રસ્તાવ મૂકવામાં આવ્યો છે. આ નિયમ મુજબ, નાની વહીવટી ભૂલો માટે હવે ક્રિમિનલ કેસને બદલે માત્ર સિવિલ પેનલ્ટી (દંડ) વસૂલવામાં આવશે.
ભારત સરકાર રિફાઈનરી અને ઓઈલ સેક્ટરના નિયમોમાં મોટો બદલાવ લાવવાની તૈયારી કરી રહી છે. વર્ષો જૂના કાયદાઓને આધુનિક બનાવવાના ભાગરૂપે, મિનિસ્ટ્રી ઓફ પેટ્રોલિયમ એન્ડ નેચરલ ગેસ હવે 'Petroleum Act, 1934' ને અપડેટ કરવા માંગે છે. અત્યાર સુધી, નાની સરખી ટેકનિકલ કે વહીવટી ભૂલ માટે પણ કંપનીઓ પર ક્રિમિનલ કેસ થઈ શકતા હતા, જેને સરકારે હવે આજના સમય માટે અપ્રસ્તુત ગણાવ્યા છે.
પેનલ્ટી સિસ્ટમમાં મોટો ફેરફાર
મંત્રાલયના રિપોર્ટ મુજબ, 1970 ના દાયકાના નિયમો મુજબ દંડની રકમ માત્ર ₹500 થી ₹1,000 હતી, જે આજના સમયમાં ફુગાવાને કારણે સાવ નહિવત બની ગઈ છે. જ્યારે 1970માં દેશની રિફાઈનિંગ ક્ષમતા માત્ર 18.4 મિલિયન ટન હતી, જે વધીને હવે 258 મિલિયન ટન થી પણ વધુ થઈ ગઈ છે. તેથી હવે ક્રિમિનલ પ્રોવિઝનને બદલે એક 'ગ્રેડેડ સિવિલ પેનલ્ટી' સિસ્ટમ લાવવાની યોજના છે.
કંપનીઓ પર શું અસર થશે?
આ નિર્ણયથી Reliance Industries, Indian Oil Corporation (IOCL), Bharat Petroleum (BPCL), Hindustan Petroleum (HPCL) અને Nayara Energy જેવી મોટી કંપનીઓ માટે 'Ease of Doing Business' વધશે. અત્યાર સુધી, નાની ભૂલો માટે પણ ક્રિમિનલ લાયબિલિટીનો ડર રહેતો હતો, જે દૂર થવાથી કંપનીઓનું લીગલ ટેન્શન ઘટશે.
આગામી પ્લાન
જોકે, આ સુધારો લાંબાગાળે કંપનીઓ માટે કેટલો ફાયદાકારક રહેશે તે નવા સિવિલ પેનલ્ટી સ્ટ્રક્ચર પર નિર્ભર છે. સરકાર એ સુનિશ્ચિત કરશે કે દંડ એટલો મોટો હોય કે સેફ્ટી સ્ટાન્ડર્ડ્સ સાથે કોઈ બાંધછોડ ન થાય. આ દરખાસ્ત પર 30 ઓક્ટોબર, 2026 સુધી પબ્લિક ફીડબેક લેવામાં આવશે, ત્યારબાદ જ ફાઈનલ કાયદો ઘડવામાં આવશે.