લોકસભા સ્પીકર Om Birla એ જાહેર કર્યું છે કે Public Accounts Committees હવે માત્ર ઓડિટ પૂરતું સીમિત નહીં રહે. સરકારી પ્રોજેક્ટ્સની કાર્યક્ષમતા વધારવા અને ભ્રષ્ટાચાર ઘટાડવા માટે હવે AI અને ડેટા એનાલિટિક્સનો ઉપયોગ ફરજિયાત બનશે.
માત્ર કાગળ પર નહીં, પરિણામ પર ધ્યાન
તિરુવનંતપુરમમાં આયોજિત બે દિવસીય નેશનલ કોન્ફરન્સમાં લોકસભા સ્પીકર Om Birla એ સ્પષ્ટ કર્યું છે કે, હવે સરકારી ખર્ચની તપાસ માત્ર એકાઉન્ટિંગ પ્રક્રિયા પૂરતી સીમિત નહીં રહે. કમિટીઓએ હવે એ જોવું પડશે કે જનતાના ટેક્સના પૈસાથી જમીની સ્તરે કેટલો ફાયદો થયો છે. આ નવો અભિગમ સરકારી પ્રોજેક્ટ્સમાં 100% જવાબદારી અને પરિણામલક્ષી કામગીરી પર ભાર મૂકે છે.
AI અને ડેટાની મદદથી ભ્રષ્ટાચાર પર લગામ
સરકારી તિજોરીના પૈસા વેડફાતા અટકાવવા માટે સ્પીકરે આર્ટિફિશિયલ ઈન્ટેલિજન્સ (AI) અને ડેટા એનાલિટિક્સના ઉપયોગ પર ભાર મૂક્યો છે. આ ટેકનોલોજી દ્વારા પૈસા ક્યાં વપરાયા, કેવી રીતે વપરાયા અને તેમાં ક્યાં લિકેજ છે, તે તરત જ પકડી શકાશે. આ પગલું પબ્લિક સેક્ટર પ્રોજેક્ટ્સના અમલીકરણમાં આવતા વિલંબને ઘટાડશે અને પારદર્શિતા લાવશે.
રાજકારણથી ઉપર ઉઠીને નિર્ણય
સ્પીકરે ખાસ તાકીદ કરી છે કે કમિટીના સભ્યો ઓડિટ રિપોર્ટ્સની સમીક્ષા કરતી વખતે રાજકીય મતભેદોને બાજુ પર રાખે. તેમનો ઉદ્દેશ્ય સિસ્ટમને સુધારવાનો છે, ન કે રાજકીય સ્કોર કરવાનો. આ બદલાવથી ભવિષ્યમાં ઈન્ફ્રાસ્ટ્રક્ચર અને પબ્લિક સર્વિસ સેક્ટરમાં ખર્ચનો આંકડો વધુ અસરકારક બનશે અને પ્રોજેક્ટ્સ સમયસર પૂરા થઈ શકશે.