DPIIT અને ONDC એ દેશના **1.4 કરોડ** કિરાણા સ્ટોર્સને ડિજિટલ બનાવવા માટે 'DigiDukaan' પ્રોજેક્ટ લોન્ચ કર્યો છે. આ પહેલથી સપ્લાય ચેઈન આધુનિક બનશે અને નાની દુકાનોને સરળતાથી લોન મળી શકશે.
ભારત સરકારના DPIIT અને ONDC એ દેશના પરંપરાગત રિટેલ વેપારને આધુનિક બનાવવા માટે 'DigiDukaan' નામની રાષ્ટ્રવ્યાપી પહેલ શરૂ કરી છે. અત્યાર સુધી પેન-પેપરથી ચાલતી કિરાણા સ્ટોર્સની ખરીદ-વેચાણ પ્રક્રિયા હવે ડિજિટલ મોડલ પર શિફ્ટ થશે.
FMCG ડિસ્ટ્રિબ્યુશન પર અસર
આ પ્રોજેક્ટનો મુખ્ય ઉદ્દેશ્ય FMCG કંપનીઓને રીયલ-ટાઈમ ડેટા આપવાનો છે. અત્યારે FMCG કંપનીઓ મલ્ટી-લેયર ડિસ્ટ્રિબ્યુશન નેટવર્ક પર નિર્ભર છે, પરંતુ ડિજિટાઈઝેશનથી તેમને સ્ટોક લેવલ અને ગ્રાહકોની ડિમાન્ડનો સચોટ અંદાજ મળશે. Hindustan Unilever, Marico, ITC અને Tata Consumer Products જેવી કંપનીઓ આ નેટવર્ક સાથે જોડાઈ રહી છે, જેથી તેઓ સીધા જ રિટેલર્સ સુધી નવી સ્કીમ્સ અને પ્રાઈસ અપડેટ્સ પહોંચાડી શકે.
પડકારો અને રોકાણકારો માટે શું છે મહત્વનું?
આ ટેકનોલોજી ફાયદાકારક તો છે, પરંતુ ડિસ્ટ્રિબ્યુટર્સના વિરોધનો સામનો કરવો એક મોટો પડકાર છે. ટ્રેડિશનલ ડિસ્ટ્રિબ્યુટર્સ લાસ્ટ-માઈલ ડિલિવરી અને ફાઈનાન્સમાં મહત્વની ભૂમિકા ભજવે છે. જો ડિજિટલ સિસ્ટમથી તેમના માર્જિન પર અસર પડે, તો વિરોધ થઈ શકે છે. હાલમાં 21,000 રિટેલર્સ આ પ્લેટફોર્મ પર આવી ગયા છે.
રોકાણકારોએ હવે કંપનીઓના મેનેજમેન્ટની કોમેન્ટરી પર નજર રાખવી જોઈએ કે આ ડિજિટલ એડોપ્શનનો ખર્ચ કેટલો રહેશે અને તેની અસર ટ્રેડ માર્જિન પર કેવી રીતે પડશે.