ભારતીય શેરબજાર માટે કપરો કાળ! ગ્લોબલ પરિબળો અને US બોન્ડ યીલ્ડમાં વધારાને કારણે વિદેશી રોકાણકારો (FII) સતત શેર વેચી રહ્યા છે. છેલ્લા ૨૫ વર્ષમાં આવું પહેલીવાર બન્યું છે કે બજાર સતત ૮ અઠવાડિયાથી ઘટી રહ્યું છે.
ભારતીય શેરબજાર હાલમાં એક ઐતિહાસિક મંદીના તબક્કામાંથી પસાર થઈ રહ્યું છે. સેન્સેક્સ અને નિફ્ટી સતત આઠમા સપ્તાહે ઘટાડા સાથે બંધ થવા તરફ આગળ વધી રહ્યા છે, જે છેલ્લા ૨૫ વર્ષમાં જોવા મળેલી સૌથી લાંબી નરમાઈ છે. આ માર્કેટ ક્રેેશનું મુખ્ય કારણ વિદેશી સંસ્થાકીય રોકાણકારો (FII) દ્વારા કરવામાં આવી રહેલી આંધળી વેચવાલી છે. માત્ર છેલ્લા બે ટ્રેડિંગ સેશનમાં જ FII એ ₹૨૦,૦૦૦ કરોડથી વધુના શેર વેચ્યા છે.
વેચવાલી પાછળનું મુખ્ય કારણ શું છે?
આ વેચવાલી પાછળનું સૌથી મોટું ટ્રિગર US ની ૧૦-વર્ષીય બોન્ડ યીલ્ડ છે, જે વધીને ૫.૩% પર પહોંચી ગઈ છે. જ્યારે અમેરિકામાં બોન્ડ યીલ્ડ વધે છે, ત્યારે ગ્લોબલ રોકાણકારો માટે ઇક્વિટી કરતા ડૉલર-આધારિત ફિક્સ ઇન્કમ સાધનો વધુ આકર્ષક બની જાય છે, પરિણામે ભારતીય માર્કેટમાંથી નાણાંનો પ્રવાહ બહાર જઈ રહ્યો છે.
સેક્ટર વાઈઝ સ્થિતિ:
બજારમાં હાલમાં સ્પષ્ટ વિભાજન જોવા મળી રહ્યું છે. જ્યાં એક તરફ IT અને સિલેક્ટેડ પ્રાઇવેટ બેન્કો જેવા ડિફેન્સિવ સેક્ટર્સ થોડી સ્થિરતા જાળવી રાખવાનો પ્રયાસ કરી રહ્યા છે, ત્યાં બીજી તરફ Nifty Auto, Realty, Cement અને Healthcare ઇન્ડેક્સમાં ભારે દબાણ છે. રોકાણકારો જોખમ ઘટાડવા માટે આ સેક્ટર્સમાંથી પૈસા પાછા ખેંચી રહ્યા છે.
કોઈ આશાનું કિરણ?
માત્ર એક રાહતની વાત એ છે કે બ્રેન્ટ ક્રૂડ ઓઈલના ભાવ $૧૦૦ પ્રતિ બેરલની નીચે આવી ગયા છે. ક્રૂડના ઘટતા ભાવ ભારતીય અર્થતંત્ર માટે ફુગાવાને કાબૂમાં રાખવા અને કોર્પોરેટ નફાના માર્જિનને ટેકો આપવા માટે સારા છે. જોકે, હાલમાં FII ની વેચવાલી એટલી આક્રમક છે કે ક્રૂડના ઘટતા ભાવનો સકારાત્મક પ્રભાવ પણ માર્કેટ પર દેખાઈ રહ્યો નથી. હવે બજારની નજર સ્થાનિક સંસ્થાકીય રોકાણકારો (DII) ના સપોર્ટ પર છે.