સરકાર હવે **120** એવી પ્રોડક્ટ્સ પર ધ્યાન કેન્દ્રિત કરી રહી છે જેનું હાલમાં મોટા પાયે ઈમ્પોર્ટ થાય છે. તેમાં કેપિટલ ગુડ્સ અને કેમિકલ્સનો સમાવેશ થાય છે. આ પહેલથી કેપિટલ ગુડ્સ અને સ્પેશિયાલિટી કેમિકલ કંપનીઓ માટે નવી તકો ખુલી શકે છે.
મેન્યુફેક્ચરિંગમાં આત્મનિર્ભર બનવાની તૈયારી
DPIIT (Department for Promotion of Industry and Internal Trade) એ હવે 120 પ્રોડક્ટ્સ માટે એક નવી રણનીતિ તૈયાર કરી છે. આનો મુખ્ય ઉદ્દેશ્ય ભારતને માત્ર ઈમ્પોર્ટર મટીરિયલ પર નિર્ભર રહેવાને બદલે એક પાવરફુલ મેન્યુફેક્ચરિંગ હબ બનાવવાનો છે. સરકારના આ પ્લાનમાં ખાસ કરીને કેપિટલ ગુડ્સ, મેડિકલ ટેકનોલોજી અને હાઈ-એન્ડ કેમિકલ્સ પર ફોકસ કરવામાં આવ્યું છે.
સરકારનો ત્રિસ્તરીય પ્લાન
આ મિશનને સફળ બનાવવા માટે સરકાર ત્રણ મુખ્ય સ્તંભો પર કામ કરશે:
- ટ્રેડ પ્રોટેક્શન: નવી ભારતીય કંપનીઓને સસ્તા ઈમ્પોર્ટ સામે ટકી રહેવા માટે કસ્ટમ ડ્યુટીમાં ફેરફાર કરવામાં આવશે.
- ફાઈનાન્સિયલ પ્રોત્સાહન: PLI (Production Linked Incentive) સ્કીમ જેવી જ નવી યોજનાઓ દ્વારા નાણાકીય સહાય આપવામાં આવશે.
- R&D સપોર્ટ: જ્યાં ભારતીય કંપનીઓ પાસે ટેકનોલોજીનો અભાવ છે, ત્યાં સરકાર આર એન્ડ ડી સપોર્ટ પૂરો પાડશે.
રોકાણકારો માટે શું છે જોખમ?
આ ક્ષેત્રમાં રોકાણ કરતા પહેલા રોકાણકારોએ સાવધ રહેવાની જરૂર છે. આ પ્રોજેક્ટ્સ ખૂબ મોટા છે અને તેમાં શરૂઆતમાં કેપિટલ એક્સપેન્ડિચર (Capex) ખૂબ વધારે હોય છે, જેના કારણે કંપનીઓનું દેવું વધી શકે છે. ઉપરાંત, ગ્લોબલ લેવલે કાચા માલના ભાવમાં થતા ફેરફારને કારણે પ્રોફિટ માર્જિન પર પણ દબાણ આવી શકે છે. જે કંપનીઓ પાસે આ પડકારોને પહોંચી વળવા માટે મજબૂત બેલેન્સ શીટ અને ટેકનિકલ કુશળતા હશે, તેમને જ આ યોજનાનો સાચો લાભ મળશે.