ભારતીય સર્વિસ સેક્ટરમાં **14%** ની જબરદસ્ત વૃદ્ધિ, રિટેલ અને બેન્કિંગ સેક્ટરે પકડી તેજી

ભારતીય અર્થતંત્રના સર્વિસ સેક્ટરે ઓગસ્ટ 2026 માં શાનદાર પ્રદર્શન કરતા 14% નો વધારો નોંધાવ્યો છે. મિનિસ્ટ્રી ઓફ સ્ટેટિસ્ટિક્સ એન્ડ પ્રોગ્રામ ઈમ્પ્લીમેન્ટેશન (MoSPI) ના નવા 'ઇન્ડેક્સ ઓફ સર્વિસિસ પ્રોડક્શન' મુજબ, ટ્રેક કરવામાં આવેલા 19 માંથી 13 સબ-સેક્ટર્સમાં ડબલ-ડિજિટ ગ્રોથ જોવા મળ્યો છે.

કોણે મારી બાજી?

રિટેલ ટ્રેડમાં સૌથી વધુ 19.9% નો ઉછાળો જોવા મળ્યો છે, જે તહેવારોની સીઝન પહેલા ગ્રાહકોના ઉત્સાહને દર્શાવે છે. આ ઉપરાંત રિયલ એસ્ટેટ અને રિપેર સર્વિસીસમાં 17.6%, વીમા સેક્ટરમાં 16.5% અને બેન્કિંગ સેક્ટરમાં 14.9% નો ઉછાળો નોંધાયો છે. આ આંકડા દર્શાવે છે કે આર્થિક ગતિવિધિઓ મજબૂત છે.

ક્યાં છે ચિંતાનો વિષય?

સિક્કાની બીજી બાજુ જોઈએ તો, એર ટ્રાન્સપોર્ટ અને આર્ટ્સ-એન્ટરટેઈનમેન્ટ સેક્ટરમાં ઘટાડો થયો છે. ખાસ કરીને પશ્ચિમ એશિયામાં અસ્થિરતાને કારણે ઈંધણના ભાવ ઊંચા રહેતા એરફેર મોંઘા થયા છે, જેની સીધી અસર પેસેન્જર ટ્રાફિક પર પડી છે. સાથે જ ગ્રાહકો હવે મોજ-મસ્તી કરતા આવશ્યક સેવાઓ પાછળ વધુ ખર્ચ કરી રહ્યા હોય તેવું જણાય છે.

આ નવો ઇન્ડેક્સ ભારતના બીજા ક્વાર્ટરના જીડીપી (GDP) ના સંકેતો સમજવા માટે રોકાણકારો માટે મહત્વનો છે.