RPG Enterprises ના ચેરમેન Harsh Goenka એ ચિંતા વ્યક્ત કરી છે કે ભારતીય બિઝનેસ હાઉસ હવે લાંબા ગાળાના ઇન્ડસ્ટ્રીયલ ઇન્વેસ્ટમેન્ટને બદલે 'Asset-light' મોડલ અને પેસિવ ઇનકમ પર વધુ ધ્યાન આપી રહ્યા છે.
RPG Enterprises ના ચેરમેન Harsh Goenka એ ફરી એકવાર ભારતીય કોર્પોરેટ સેક્ટરની બદલાતી માનસિકતા પર સવાલ ઉઠાવ્યા છે. તેમના મતે, હવે બિઝનેસ લીડર્સ લાંબા ગાળાના મેન્યુફેક્ચરિંગ અને ડીપ-ટેક ક્ષેત્રે જોખમ લેવાને બદલે શોર્ટ-ટર્મ વેલ્યુએશન અને પાસિવ ઇનકમ પર વધુ ભાર મૂકી રહ્યા છે.
પેસિવ કેપિટલ તરફ નવો ટ્રેન્ડ
Goenka ના મતે, નવી પેઢીના બિઝનેસ લીડર્સ હવે ફેમિલી ઓફિસ દ્વારા વેલ્થ મેનેજમેન્ટ પર વધુ ફોકસ કરી રહ્યા છે. આ 'એસેટ-લાઈટ' મોડલ એટલે કે એવી કંપનીઓ જેમાં ફેક્ટરી કે ઇન્ફ્રાસ્ટ્રક્ચરમાં ભારે રોકાણ કરવાની જરૂર નથી, તે ઝડપી રિટર્ન આપે છે. પરંતુ, આના કારણે દેશની કંપનીઓ સ્વદેશી ટેકનોલોજી વિકસાવવાને બદલે આયાતી ટેકનોલોજી પર નિર્ભર બની રહી છે.
મેન્યુફેક્ચરિંગ અને R&D સામે પડકારો
ભારતમાં કોર્પોરેટ પ્રોફિટ તો વધી રહ્યા છે, પરંતુ પ્રાઈવેટ સેક્ટર દ્વારા કેપિટલ એક્સપેન્ડિચર (CAPEX) અને R&D માં રોકાણ હજુ પણ મર્યાદિત છે. પોલિસી અનિશ્ચિતતા અને ક્વાર્ટરલી ગ્રોથના દબાણને કારણે કંપનીઓ મોટી ફેક્ટરીઓ અને લાંબા ગાળાના ઇનોવેશન પ્રોજેક્ટ્સથી દૂર ભાગી રહી છે.
રોકાણકારો માટે શું છે જોખમ?
જો ભારતીય કંપનીઓ ફક્ત 'શોર્ટ-ટર્મ' મોડલ્સ પર ધ્યાન આપશે, તો વૈશ્વિક સ્તરે ભારતની સ્પર્ધાત્મકતા પર અસર પડી શકે છે. ઇનોવેશનના અભાવે સપ્લાય ચેઈન અને કોસ્ટ ફ્લક્ચ્યુએશન સામે કંપનીઓ નબળી સાબિત થઈ શકે છે. લાંબા ગાળે, જે કંપનીઓ પોતાની કોર કેપેબિલિટી અને R&D માં ઇન્વેસ્ટ કરશે, તે જ માર્કેટમાં ટકી શકશે.