8th Central Pay Commission દ્વારા આગામી ૭-૮ ઓક્ટોબર, ૨૦૨૬ના રોજ બેંગલુરુમાં સ્ટેકહોલ્ડર કન્સલ્ટેશન રાખવામાં આવ્યું છે. જે કર્મચારી સંગઠનોને ભાગ લેવો હોય તેમણે ૧૮ સપ્ટેમ્બર, ૨૦૨૬ સુધીમાં 'Unique Memo ID' સાથે રજિસ્ટ્રેશન કરાવવું ફરજિયાત છે.
8th Central Pay Commission હવે તેના રાષ્ટ્રીય આઉટરીચ પ્રોગ્રામ અંતર્ગત બેંગલુરુમાં પદાપર્ણ કરવા જઈ રહ્યું છે. આ કમિશનનો મુખ્ય ઉદ્દેશ્ય કેન્દ્રીય કર્મચારીઓના પગાર ધોરણ અને પેન્શન માળખા અંગે ફીડબેક એકત્રિત કરવાનો છે.
રજિસ્ટ્રેશન પ્રક્રિયા શું છે?
આ ચર્ચાઓમાં ભાગ લેવા માટે સરકાર દ્વારા સ્પષ્ટ સૂચના આપવામાં આવી છે. રસ ધરાવતા સંગઠનો અને યુનિયનોએ સત્તાવાર પોર્ટલ પર જઈને મેમોરેન્ડમ સબમિટ કરવાનું રહેશે. આ પ્રક્રિયા બાદ તેમને એક 'Unique Memo ID' મળશે, જે એપોઇન્ટમેન્ટ સ્લોટ બુક કરવા માટે અત્યંત જરૂરી છે. અરજી કરવાની અંતિમ તારીખ ૧૮ સપ્ટેમ્બર, ૨૦૨૬ નક્કી કરવામાં આવી છે.
અગાઉ ક્યાં થઈ ચર્ચાઓ?
કમિશન અગાઉ દિલ્હી, કોલકાતા, ચંદીગઢ અને જયપુર જેવા મુખ્ય શહેરોમાં આવી બેઠકો પૂર્ણ કરી ચૂક્યું છે. આ તમામ મિટિંગ્સનો હેતુ વિવિધ ક્ષેત્રોમાંથી મળેલી માહિતીને આધારે અંતિમ ભલામણો તૈયાર કરવાનો છે.
મહત્વપૂર્ણ સમયગાળો
૩ નવેમ્બર, ૨૦૨૫ના રોજ સ્થપાયેલ આ કમિશન પાસે પોતાનો રિપોર્ટ રજૂ કરવા માટે ૧૮ મહિનાનો સમયગાળો છે. આ રિપોર્ટ કરોડો સરકારી કર્મચારીઓ અને નિવૃત્ત પેન્શનધારકોના આર્થિક ભવિષ્ય પર સીધી અસર કરશે. હાલમાં કમિશન ડેટા એનાલિસ્ટ્સ અને કન્સલ્ટન્ટ્સની ભરતી કરીને પોતાની કાર્યક્ષમતા પણ વધારી રહ્યું છે.