জুয়েલરી મેન્યુફેક્ચરિંગ સેક્ટરની દિગ્ગજ કંપની Sky Gold and Diamonds એ આજે ઇતિહાસ રચ્યો છે. એપ્રિલ **2026** થી અત્યાર સુધીમાં આ શેરે રોકાણકારોને **221%** નું તોતિંગ રિટર્ન આપ્યું છે.
ગુરુવારે ટ્રેડિંગ સેશન દરમિયાન Sky Gold and Diamonds નો શેર નવી ઊંચાઈ ₹1,021.95 પર પહોંચી ગયો હતો. ફાઇનાન્શિયલ યર 2026-27 ની શરૂઆતથી જ આ શેરમાં રોકેટ ગતિએ તેજી જોવા મળી છે અને તે 221% થી વધુ ઉછળ્યો છે. આ તેજી પાછળનું મુખ્ય કારણ કંપનીનો મજબૂત B2B મેન્યુફેક્ચરિંગ બિઝનેસ મોડલ છે.
વૃદ્ધિના મુખ્ય એન્જિન:
કંપની દેશના મોટા જ્વેલરી રિટેલ ચેઈન્સને સપ્લાય કરે છે. જેમાં Malabar Gold and Diamonds અને Joyalukkas જેવી દિગ્ગજ બ્રાન્ડ્સ સામેલ છે. ભારતમાં લોકો હવે અનઓર્ગેનાઈઝ્ડ શોપ્સને બદલે સર્ટિફાઈડ અને હોલમાર્ક પ્રોડક્ટ્સ તરફ વળી રહ્યા છે, જેનો સીધો ફાયદો Sky Gold જેવી મોટી ઉત્પાદક કંપનીઓને મળી રહ્યો છે.
આંતરરાષ્ટ્રીય વિસ્તાર (Export Strategy):
કંપનીએ ગત વર્ષે દુબઈમાં પોતાનું B2B હબ શરૂ કર્યું હતું. જેનું પરિણામ એ આવ્યું છે કે એક્સપોર્ટ રેવન્યુ જે FY23 માં માત્ર 3% હતી, તે હવે વધીને 12% થઈ ગઈ છે. કંપનીએ DAMAS અને KANZ જેવા મોટા આંતરરાષ્ટ્રીય રિટેલર્સ સાથે પણ ભાગીદારી કરી છે. કંપનીનું લક્ષ્ય FY30 સુધીમાં એક્સપોર્ટમાંથી 20% આવક મેળવવાનું છે, સાથે જ યુકે, મલેશિયા અને સિંગાપોર જેવા બજારો પર પણ નજર છે.
રોકાણકારો માટે ચેતવણી:
B2B જ્વેલરી મેન્યુફેક્ચરિંગ બિઝનેસમાં માર્જિન સામાન્ય રીતે ઓછા હોય છે અને તે વોલ્યુમ પર નિર્ભર રહે છે. આ બિઝનેસ ખૂબ જ કેપિટલ-ઇન્ટેન્સિવ છે, જેમાં ગોલ્ડ ઇન્વેન્ટરી સાચવવી અને ક્લાયન્ટ્સને ક્રેડિટ આપવા માટે વર્કિંગ કેપિટલનું મેનેજમેન્ટ કરવું ખૂબ જ મહત્વનું છે. સોનાના ભાવમાં થતી વધઘટ પણ કંપનીના પ્રોફિટ પર સીધી અસર કરી શકે છે, તેથી આગામી સમયમાં કંપની કેવી રીતે માર્જિન જાળવી રાખે છે તે જોવું રસપ્રદ રહેશે.