વર્ષ **2026** ના પ્રથમ છ મહિનામાં ભારતમાં રિફર્બિશ્ડ સ્માર્ટફોનનું વેચાણ **13%** વધ્યું છે, જ્યારે નવા ફોનના શિપમેન્ટમાં **11%** નો ઘટાડો નોંધાયો છે. નવા ફોન મોંઘા થતાં ગ્રાહકો હવે પ્રીમિયમ સેકન્ડરી માર્કેટ તરફ વળી રહ્યા છે.
ભારતીય સ્માર્ટફોન માર્કેટમાં એક મોટો બદલાવ જોવા મળી રહ્યો છે. નવા હેન્ડસેટના ભાવ આસમાને પહોંચતા હવે સામાન્ય ગ્રાહક સમજદારીપૂર્વક ખરીદી કરી રહ્યો છે. આંકડા મુજબ, નવા સ્માર્ટફોનના વેચાણમાં 11% નો ઘટાડો થયો છે, જે સાબિત કરે છે કે લોકો હવે મોંઘા નવા મોડેલ ખરીદવાને બદલે જૂના પણ પ્રીમિયમ મોડેલ્સ પર પસંદગી ઉતારી રહ્યા છે.
ગ્રાહકો કેમ પસંદ કરે છે રિફર્બિશ્ડ ફોન?
મેમરી અને કોર કમ્પોનન્ટ્સની વૈશ્વિક માંગ વધતા ભારતમાં નવા સ્માર્ટફોનના ભાવમાં 16% થી 21% સુધીનો વધારો થયો છે. આ મોંઘવારીના કારણે ગ્રાહકો હવે ₹20,000 થી ₹45,000 ની રેન્જમાં ઉપલબ્ધ જૂના ફ્લેગશિપ ફોન ખરીદવાનું પસંદ કરી રહ્યા છે, જેમાં તેમને લેટેસ્ટ પ્રોસેસર અને શાનદાર કેમેરા મળી રહે છે.
અનઓર્ગેનાઈઝ્ડ સેક્ટર સામે પડકાર
જોકે, ભારતીય માર્કેટના લગભગ 80% હિસ્સા પર હજુ પણ અસંગઠિત સ્થાનિક રિટેલર્સનું વર્ચસ્વ છે, જ્યાં વોરંટી કે ગુણવત્તાની કોઈ ગેરંટી હોતી નથી. Cashify અને ControlZ જેવી કંપનીઓ પ્રોસેસને વ્યવસ્થિત બનાવીને IMEI વેરિફિકેશન અને ડેટા ઈરેઝર સર્ટિફિકેશન જેવી સુવિધાઓ આપીને ગ્રાહકોનો વિશ્વાસ જીતવાનો પ્રયાસ કરી રહી છે.
ડેટા સિક્યોરિટી અને ભવિષ્યના જોખમો
ગ્રાહકો માટે સૌથી મોટો ડર ડેટા પ્રાઈવસીનો છે, લગભગ 74% લોકો જૂના ફોનમાં રહેલા ડેટાને લઈને ચિંતિત છે. કંપનીઓ માર્કેટિંગ પાછળ મોટો ખર્ચ કરી રહી છે, પરંતુ ઊંચા એકવિઝિશન કોસ્ટને કારણે નફા પર દબાણ રહી શકે છે. આગામી સમયમાં, જે કંપનીઓ સપ્લાય ચેઈન અને ડેટા સિક્યોરિટીમાં વિશ્વાસ બેસાડી શકશે, તે જ આ માર્કેટમાં લાંબી રેસના ઘોડા સાબિત થશે.