Q2 ના પરિણામો બાદ બ્રોકરેજ હાઉસ ICICI Securities એ Vedanta, JSW Energy, Gravita India, KPIT Technologies અને United Spirits ના ટાર્ગેટ પ્રાઈસ ઘટાડ્યા છે.
ICICI Securities એ સપ્ટેમ્બર ક્વાર્ટરના પરિણામો બાદ પોતાના વેલ્યુએશન મોડલમાં મોટો ફેરફાર કર્યો છે. બ્રોકરેજ હાઉસનું માનવું છે કે કોમોડિટી સેક્ટર અને કન્ઝ્યુમર-ટેક સેક્ટર વચ્ચે સેન્ટિમેન્ટમાં સ્પષ્ટ તફાવત જોવા મળી રહ્યો છે. જોકે કંપનીઓના રેટિંગ યથાવત રાખવામાં આવ્યા છે, પરંતુ માર્કેટની વર્તમાન સ્થિતિને ધ્યાનમાં રાખીને ટાર્ગેટ પ્રાઈસમાં ઘટાડો કરવામાં આવ્યો છે.
મેટલ અને પાવર સેક્ટરમાં તેજીનો આશાવાદ
બ્રોકરેજે Vedanta, JSW Energy અને Gravita India પર પોતાનું 'Buy' રેટિંગ જાળવી રાખ્યું છે. કંપનીઓના લાંબાગાળાના ગ્રોથ અને ઓપરેશનલ સુધારાને કારણે વિશ્લેષકો હજુ પણ પોઝિટિવ છે. ફેરફાર બાદ Vedanta નો ટાર્ગેટ ₹330 (અગાઉ ₹345), JSW Energy નો ₹675 (અગાઉ ₹700) અને Gravita India નો ટાર્ગેટ ₹1,891 (અગાઉ ₹2,020) કરવામાં આવ્યો છે.
ટેક અને કન્ઝ્યુમર સેક્ટરમાં સાવચેતી
બીજી તરફ, United Spirits અને KPIT Technologies ને લઈને વલણ થોડું નરમ છે. United Spirits પર 'Add' રેટિંગ સાથે ટાર્ગેટ ₹1,400 (અગાઉ ₹1,450) અને KPIT Technologies પર 'Hold' રેટિંગ સાથે ટાર્ગેટ ₹580 (અગાઉ ₹670) કરી દેવાયો છે. નિષ્ણાતોનું કહેવું છે કે ટેક સર્વિસ અને કન્ઝ્યુમર ડિસ્ક્રિશનરી સેક્ટરમાં ઘટતી માંગ અને વધતા ખર્ચને કારણે આ નિર્ણય લેવામાં આવ્યો છે.
રોકાણકારોએ સમજવું જોઈએ કે આ માત્ર એક એનાલિટિકલ અંદાજ છે અને ટાર્ગેટમાં ઘટાડો કંપનીના બિઝનેસ મોડલમાં ફેરફાર સૂચવતું નથી.