Goldman Sachs ના નવા રિપોર્ટ મુજબ, AI ઇન્ફ્રાસ્ટ્રક્ચર બનાવી રહેલી **42** ભારતીય કંપનીઓના અર્નિંગ્સમાં મોટો સુધારો જોવા મળ્યો છે. માર્કેટના અન્ય સેક્ટર્સમાં જ્યાં ઘટાડો છે, ત્યાં હાર્ડવેરની માંગને કારણે આ કંપનીઓ તેજીમાં છે.
ભારતીય બજારમાં અત્યારે એક મોટો બદલાવ જોવા મળી રહ્યો છે. જ્યા એક તરફ બજારના મુખ્ય ઇન્ડેક્સમાં નરમાઈ છે, ત્યાં આર્ટિફિશિયલ ઇન્ટેલિજન્સ (AI) ઇન્ફ્રાસ્ટ્રક્ચર સાથે જોડાયેલી કંપનીઓ રોકાણકારો માટે આકર્ષણનું કેન્દ્ર બની છે. Goldman Sachs ના લેટેસ્ટ રિપોર્ટમાં 42 એવી ભારતીય કંપનીઓની ઓળખ કરવામાં આવી છે જે આ AI ક્રાંતિનો સીધો લાભ લઈ રહી છે.
હાર્ડવેર સેક્ટરની દાદાગીરી
ડેટા-સેન્ટર હાર્ડવેર બનાવતી કંપનીઓના પ્રોફિટ એસ્ટિમેટમાં આ વર્ષે 95% નો જંગી ઉછાળો આવ્યો છે. આ દર્શાવે છે કે સોફ્ટવેર કરતા હવે ફિઝિકલ ઇન્ફ્રાસ્ટ્રક્ચરની માંગ વધુ છે. આ સિવાય પાવર ઇક્વિપમેન્ટ બનાવતી કંપનીઓમાં 15% અને સેમિકન્ડક્ટર મટીરિયલ કંપનીઓમાં 8% નો વધારો નોંધાયો છે.
જોકે, સાવચેતી રાખવી પણ જરૂરી છે. Goldman Sachs મુજબ, ડેટા-સેન્ટર ડેવલપર્સ અને પાવર જનરેશન ફર્મ્સના નફાના અંદાજમાં અનુક્રમે 15% અને 14% નો ઘટાડો થયો છે. આનો અર્થ એ છે કે બજાર હવે માત્ર દરેક કંપનીને નહીં, પણ જે સીધા હાર્ડવેર ઉત્પાદનમાં છે તેમને વધુ પસંદ કરી રહ્યું છે.
શું આ માત્ર હાઈપ છે?
ઘણા રોકાણકારોને ડર હોય છે કે આ બબલ હોઈ શકે, પરંતુ Goldman Sachs નો ડેટા કહે છે કે આ તેજી કંપનીઓના પર્ફોર્મન્સ પર આધારિત છે. 2025 થી આ બાસ્કેટે 53% વળતર આપ્યું છે, જેમાં 65 ટકા જેટલો હિસ્સો તો કંપનીઓના વાસ્તવિક નફા દ્વારા આવ્યો છે.
જોકે, કંપનીઓના કોલિંગમાં GPUs, ફાઈબર અને સ્વિચગિયર જેવા શબ્દોનો ઉપયોગ વધી રહ્યો છે, જે સૂચવે છે કે ફિઝિકલ ઇન્ફ્રાસ્ટ્રક્ચર પાછળ ખર્ચ વધ્યો છે. રોકાણકારોએ હવે તે જોવું જોઈએ કે આ કંપનીઓ કેવી રીતે તેમના ઓર્ડર પૂરા કરે છે અને માર્જિન જાળવી રાખે છે.