Go Fashion (India) માટે બ્રોકરેજ હાઉસ Anand Rathi એ 'Buy' રેટિંગ આપ્યું છે. કંપનીના બિઝનેસ મોડલમાં મોટા ફેરફાર અને સ્ટોર એક્સપાન્શન વ્યૂહરચનાને જોતા આ ટાર્ગેટ નક્કી કરવામાં આવ્યો છે.
સ્ટોર વ્યૂહરચનામાં મોટો ફેરફાર
કંપની હાલમાં પોતાની રિટેલ હાજરીને મજબૂત બનાવવા માટે રણનીતિમાં મોટો બદલાવ કરી રહી છે. હવે કંપની 300 સ્ક્વેર ફીટ થી નાના સ્ટોર્સને બંધ કરી રહી છે અને 700 સ્ક્વેર ફીટ થી મોટા સ્ટોર્સ પર ધ્યાન કેન્દ્રિત કરી રહી છે. આ પ્રક્રિયામાં બીજા ક્વાર્ટરમાં જ 23 નાના સ્ટોર્સ બંધ કરવામાં આવ્યા છે, તેમ છતાં કુલ રિટેલ એરિયા વધીને 4.48 લાખ સ્ક્વેર ફીટ સુધી પહોંચી ગયો છે, જે માર્ચ 2026 માં 4.34 લાખ સ્ક્વેર ફીટ હતો.
Q2 પરિણામો પર દબાણ
નાણાકીય વર્ષ 2027 ના બીજા ક્વાર્ટરમાં કંપનીના પરિણામો કંઈ ખાસ રહ્યા નથી. રેવન્યુમાં આશરે 2.9% થી 3% નો ઘટાડો જોવા મળ્યો છે. નેટ પ્રોફિટ ઘટીને ₹9 કરોડ થયો છે, જે ગયા વર્ષના સમાન ગાળામાં ₹21.8 કરોડ હતો. મેનેજમેન્ટનું કહેવું છે કે તહેવારોના સમયમાં બદલાવને કારણે ડિસ્પેચ વોલ્યુમ પર અસર પડી છે.
પ્રોફિટ માર્જિન સામે પડકાર
કંપનીના માર્જિન પર કાપડના ભાવમાં થયેલા 8-10% ના વધારાને કારણે દબાણ આવ્યું છે. આ વધતા ખર્ચને પહોંચી વળવા કંપની હવે કિંમતોમાં વધારો (Price Hikes) કરવાનું વિચારી રહી છે. હવે જોવાનું એ રહેશે કે ગ્રાહકો આ ભાવ વધારાને કેવી રીતે સ્વીકારે છે.
આગળનું આઉટલૂક
બ્રોકરેજ હાઉસને આશા છે કે નાણાકીય વર્ષના બીજા ભાગમાં એટલે કે H2 માં કામગીરીમાં સુધારો જોવા મળશે. તહેવારોની માંગ અને નવા સ્ટોર્સની કામગીરી આગામી સમયમાં શેરના ભાવ માટે મહત્વના ટ્રિગર સાબિત થઈ શકે છે.