રિયલ એસ્ટેટ કંપની Raymond Realty પર મોટું અપડેટ આવ્યું છે. બ્રોકરેજ હાઉસ Anand Rathi એ આ શેર પર ₹879 ના ટાર્ગેટ સાથે ખરીદીની સલાહ આપી છે. કંપની હવે પોતાની બિઝનેસ વ્યૂહરચના બદલીને એસેટ-લાઇટ મોડલ તરફ આગળ વધી રહી છે, જેનો સીધો ફાયદો કંપનીના ગ્રોથમાં જોવા મળી રહ્યો છે.
એસેટ-લાઇટ મોડલ તરફ કંપનીની મોટી છલાંગ
Raymond Realty હવે માત્ર થાણેના પોતાના લેન્ડ બેંક પર નિર્ભર રહેવાને બદલે મુંબઈના વિસ્તારોમાં પોતાનો વ્યાપ વધારી રહી છે. કંપની હવે 'Joint Development Agreements' (JDAs) પર ધ્યાન કેન્દ્રિત કરી રહી છે, જેથી જમીન ખરીદવાનો મોટો ખર્ચ બચે. આ પ્લાન હેઠળ કંપની પાસે અંદાજે ₹52,000 કરોડની પોટેન્શિયલ વેલ્યુ ધરાવતી પ્રોજેક્ટ પાઈપલાઈન છે.
Q2 FY27 ના મજબૂત આંકડા
કંપનીના રિઝલ્ટમાં પણ આ ગ્રોથ સ્પષ્ટ દેખાય છે. બીજા ક્વાર્ટરમાં કંપનીએ ₹902 કરોડનું પ્રી-સેલ્સ નોંધાવ્યું છે, જે વાર્ષિક ધોરણે 98% નો મોટો ઉછાળો છે. આ ઉપરાંત, સપ્ટેમ્બર મહિનાના અંત સુધીમાં કંપનીનું નેટ ડેટ (Debt) ₹914 કરોડ રહ્યું છે. તે જ દિવસે શેરહોલ્ડર્સે કંપનીની ઓથોરાઈઝ્ડ શેર કેપિટલ વધારવાની મંજૂરી પણ આપી દીધી છે, જે ભવિષ્યના એક્સપેશન માટે મહત્ત્વનું છે.
રોકાણકારો માટે ચેતવણી અને જોખમ
જોકે, કંપનીની આ આક્રમક યોજના સામે કેટલાક પડકારો પણ છે. સ્લમ રિહેબિલિટેશન અને અન્ય રીડેવલપમેન્ટ પ્રોજેક્ટ્સમાં એક્ઝિક્યુશન રિસ્ક વધુ હોય છે. જો સમયસર પ્રોજેક્ટ પૂરા ન થાય કે પ્રોજેક્ટ લોન્ચ અને કલેક્શન સાયકલ વચ્ચે તફાવત રહે, તો દેવું વધી શકે છે. ઉપરાંત, બાંધકામ ખર્ચમાં વધારો પ્રોફિટ માર્જિન પર દબાણ લાવી શકે છે. શેર આજે બજારના ઘટાડા વચ્ચે 4% તૂટ્યો હતો, પરંતુ લાંબા ગાળાના રોકાણકારો માટે પ્રોજેક્ટ ડિલિવરી પર નજર રાખવી અત્યંત જરૂરી છે.