Axis Trustee એ Yes Bank ને 3 દિવસમાં ₹8,415 કરોડના AT-1 બોન્ડ્સ રિઈન્સ્ટેટ (પુનઃસ્થાપિત) કરવા માટે અલ્ટીમેટમ આપ્યું છે. સુપ્રીમ કોર્ટના ચુકાદા બાદ પણ આ પ્રક્રિયામાં વિલંબ થતા ટ્રસ્ટીએ કોર્ટના તિરસ્કારની કાર્યવાહીની ચીમકી ઉચ્ચારી છે.
Yes Bank અને AT-1 બોન્ડ્સનો લાંબો કાનૂની જંગ વધુ ગંભીર વળાંક પર પહોંચ્યો છે. Axis Trustee Services એ બેંકને કડક નોટિસ ફટકારીને ચેતવણી આપી છે કે જો ₹8,415 કરોડના બોન્ડ્સ તાત્કાલિક અસરથી રિઈન્સ્ટેટ નહીં કરવામાં આવે, તો બેંક સામે 'કન્ટેમ્પ્ટ ઓફ કોર્ટ' (કોર્ટના તિરસ્કાર)ની કાર્યવાહી કરવામાં આવશે.
વિવાદનું મૂળ શું છે?
માર્ચ 2020 માં બેંકની કટોકટી વખતે આ બોન્ડ્સની વેલ્યુ રાઈટ-ડાઉન કરી દેવામાં આવી હતી. જોકે, બોમ્બે હાઈકોર્ટે જાન્યુઆરી 2023 માં આ નિર્ણયને ગેરકાયદેસર ગણાવ્યો હતો, જેના પર સુપ્રીમ કોર્ટે પણ મહોર મારી દીધી છે. હવે ટ્રસ્ટીની માંગણી છે કે બેંકે NSDL અને CDSL માં રેકોર્ડ અપડેટ કરવા જોઈએ અને BSE તથા NSE પર આ બોન્ડ્સનું ટ્રેડિંગ ફરી શરૂ કરવું જોઈએ.
Yes Bank નો બચાવ
બેંકે સ્ટોક એક્સચેન્જ ફાઇલિંગમાં આ તમામ આરોપોને નકારી કાઢ્યા છે. મેનેજમેન્ટનું કહેવું છે કે તેઓ સુપ્રીમ કોર્ટના આદેશનું પાલન કરવા માટે કાનૂની પ્રક્રિયા ચકાસી રહ્યા છે. આ બોન્ડ્સ પર 9% અને 9.5% ના કુપન રેટ હોવાથી તે રોકાણકારો માટે મહત્વના છે. હવે આગામી 3 દિવસમાં બેંક શું નિર્ણય લે છે, તેના પર રોકાણકારોની નજર ટકેલી છે.