State Bank of India (SBI) એ શેરબજારને જાણ કરી છે કે દેશભરના બેંક યુનિયનો ૧૧ સપ્ટેમ્બર, ૨૦૨૬ થી હડતાળ પર ઉતરવાના છે. ઓક્ટોબર સુધી ચાલનારી આ હડતાળથી ક્લિયરિંગ અને બ્રાન્ચ કામગીરી ખોરવાઈ શકે છે.
દેશની સૌથી મોટી સરકારી બેંક State Bank of India (SBI) એ સ્ટોક એક્સચેન્જમાં ફાઈલિંગ કરીને માહિતી આપી છે કે આગામી સપ્ટેમ્બર અને ઓક્ટોબર મહિનામાં બેંક કર્મચારી સંગઠનો દ્વારા અનેક તબક્કામાં હડતાળ પાડવામાં આવશે. SEBI ના Regulation 30 હેઠળ આપવામાં આવેલી આ માહિતી મુજબ, આ આંદોલનની સીધી અસર બેંકની દૈનિક કામગીરી પર પડી શકે છે.
હડતાળનું શિડ્યુલ:
યુનિયનો દ્વારા જાહેર કરાયેલા કાર્યક્રમ મુજબ, ૧૧ સપ્ટેમ્બર ના રોજ એક દિવસીય હડતાળ રહેશે, ત્યારબાદ ૨૮ થી ૩૦ સપ્ટેમ્બર દરમિયાન ત્રણ દિવસનું કામકાજ બંધ રહેશે. આ સિવાય, United Forum of Bank Unions (UFBU) એ ૨૬ ઓક્ટોબર, ૨૦૨૬ થી અનિશ્ચિત સમય માટે હડતાળ પર ઉતરવાની ચીમકી પણ આપી છે. આ યુનિયનમાં All India Bank Employees' Association અને All India Bank Officers' Confederation સહિતના ૭ મોટા સંગઠનો સામેલ છે.
શું છે યુનિયનોની મુખ્ય માંગ?
આ આંદોલન પાછળનું મુખ્ય કારણ લાંબા સમયથી પડતર માંગણીઓ છે. ખાસ કરીને, માર્ચ ૨૦૨૪ થી પેન્ડિંગ રહેલી ૫-દિવસીય વર્કિંગ વીક (Five-day work week) ની અમલવારી અને Performance Linked Incentive (PLI) સ્કીમમાં સુધારા માટે યુનિયનો આગ્રહી છે.
ગ્રાહકોએ શું ધ્યાન રાખવું?
SBI એ સ્પષ્ટતા કરી છે કે તેઓ બેંકિંગ સેવાઓ જળવાઈ રહે તે માટે આકસ્મિક યોજનાઓ (Contingency Plans) બનાવી રહ્યા છે. તેમ છતાં, હડતાળના દિવસોમાં ક્લિયરિંગ સેવાઓ, રોકડ વ્યવહારો અને અન્ય વહીવટી કામગીરીમાં વિલંબ થવાની શક્યતા નકારી શકાય નહીં. જે રોકાણકારો આ સમાચાર પર નજર રાખી રહ્યા છે, તેમણે ધ્યાન રાખવું જોઈએ કે Indian Banks' Association અને સરકાર વચ્ચે થનારી વાટાઘાટો જ આ હડતાળને ટાળી શકે છે અથવા તેની અસર ઓછી કરી શકે છે.