RBI ગવર્નર શક્તિકાંત દાસે બેંકોને સૂચના આપી છે કે તેઓ લાંબા ગાળાના કેપિટલ ફોર્મેશન પર ભાર મૂકે. આ નિર્ણયનો હેતુ ઇન્ફ્રાસ્ટ્રક્ચર, હાઇ-ટેક મેન્યુફેક્ચરિંગ અને ગ્રીન એનર્જી પ્રોજેક્ટ્સને પ્રોત્સાહન આપવાનો છે.
કેમ બદલાઈ રહી છે બેંકિંગ સ્ટ્રેટેજી?
RBI ગવર્નર શક્તિકાંત દાસે બેંકિંગ સેક્ટરને તેમની પરંપરાગત શોર્ટ-ટર્મ લેન્ડિંગની રીત બદલીને લાંબા ગાળાના કેપિટલ ફંડિંગ તરફ વળવા આદેશ આપ્યો છે. ભારતની અર્થવ્યવસ્થાને હાઈ-ઇન્કમ ઇકોનોમી બનાવવા માટે ઇન્ફ્રાસ્ટ્રક્ચર, સેમિકન્ડક્ટર મેન્યુફેક્ચરિંગ અને ગ્રીન એનર્જી જેવા ક્ષેત્રોમાં મોટું રોકાણ જરૂરી છે.
રોકાણકારો માટે ચેલેન્જ: Asset-Liability Management
બેંકો માટે આ મોટો પડકાર છે. સામાન્ય રીતે બેંકો પાસે ડિપોઝિટ શોર્ટ-ટર્મ હોય છે અને જો તેઓ લાંબા ગાળાના લોન આપે, તો એસેટ અને લાયબિલિટી વચ્ચે મેળ બેસાડવો મુશ્કેલ બની શકે છે. જો બેંકો યોગ્ય લાંબા ગાળાની ડિપોઝિટ નહીં મેળવે તો ભવિષ્યમાં લિક્વિડિટીનું દબાણ જોવા મળી શકે છે. તેથી, બેંકો કેવી રીતે તેમના વ્યાજ દરો અને ફંડિંગ મોડલ્સ સેટ કરે છે તેના પર માર્કેટની ખાસ નજર રહેશે.
ULI દ્વારા નાના બોરોઅર્સને રાહત
ડિજિટલ લેન્ડિંગ માટે RBI 'Unified Lending Interface' (ULI) ને વધુ પ્રોત્સાહન આપી રહી છે. GST ફાઈલિંગ અને અન્ય ડેટાના ઉપયોગથી MSME અને ખેડૂતોને હવે સરળતાથી લોન મળી શકશે, જેનાથી બેંકો અને NBFCs માટે માર્કેટ વિસ્તારવાની તક વધશે.
લોકોની બચત હવે સોનામાંથી ફાઈનાન્શિયલ એસેટ્સમાં
RBI ઈચ્છે છે કે લોકો તેમની બચત સોનું કે રિયલ એસ્ટેટમાં રાખવાને બદલે મ્યુચ્યુઅલ ફંડ અને કોર્પોરેટ બોન્ડ્સ જેવા ફાઈનાન્શિયલ ઇન્સ્ટ્રુમેન્ટ્સમાં રોકે. જો રિટેલ સેવિંગ્સ સિસ્ટમમાં આવશે, તો આ લાંબા ગાળાના પ્રોજેક્ટ્સ માટે જરૂરી મૂડી સરળતાથી મળી રહેશે.