Reserve Bank of India (RBI) એ બે વર્ષથી વધુ સમયથી નિષ્ક્રિય (inoperative) પડેલા બેંક એકાઉન્ટને ફરી ચાલુ કરવા માટેના નિયમોમાં ફેરફાર કર્યા છે. હવે ગ્રાહકો કોઈપણ બ્રાન્ચમાં અથવા વીડિયો KYC દ્વારા કોઈ પણ વધારાના ચાર્જ વગર એકાઉન્ટ એક્ટિવેટ કરી શકશે.
બંધ એકાઉન્ટને હવે ગમે ત્યાંથી કરો એક્ટિવ
Reserve Bank of India (RBI) એ ગ્રાહકોની સુવિધા માટે મહત્વપૂર્ણ માર્ગદર્શિકા જાહેર કરી છે. સામાન્ય રીતે જે એકાઉન્ટમાં ૨ વર્ષથી કોઈ ટ્રાન્ઝેક્શન નથી થયું, તેને 'inoperative' માનવામાં આવે છે. આ સુરક્ષાના કારણોસર કરવામાં આવે છે જેથી ફ્રોડ ન થાય.
KYC માટે હોમ બ્રાન્ચ જવાની જરૂર નથી
અગાઉ જે બ્રાન્ચમાં ખાતું ખોલાવ્યું હોય ત્યાં જવું પડતું હતું, પરંતુ હવે તમે દેશની કોઈપણ બ્રાન્ચમાં જઈને તમારી KYC પ્રક્રિયા પૂર્ણ કરી શકો છો. જો તમારી બેંક વીડિયો KYC (V-CIP) ની સુવિધા આપતી હોય, તો તમે ડિજિટલ માધ્યમથી પણ આ પ્રક્રિયા પૂરી કરી શકો છો. આ કામ માટે બેંક કોઈ પણ પ્રકારની સર્વિસ ફી વસૂલી શકશે નહીં.
૫ દિવસમાં મળશે રાહત
ગ્રાહકે જરૂરી ઓળખ અને એડ્રેસ પ્રૂફ આપ્યાના ૩ કામકાજના દિવસોમાં બેંકે ખાતું ફરી કાર્યરત કરવું પડશે. આ નિયમનો મુખ્ય હેતુ સિસ્ટમમાં પડેલી અનક્લેમ્ડ ડિપોઝિટ (unclaimed deposits) ઘટાડવાનો છે.
૧૦ વર્ષથી વધુ સમયથી બંધ એકાઉન્ટનું શું?
જો તમારું ખાતું ૧૦ વર્ષથી વધુ સમયથી નિષ્ક્રિય છે, તો તેનું બેલેન્સ RBI ના Depositor Education and Awareness Fund (DEAF) માં ટ્રાન્સફર કરવામાં આવે છે. ગ્રાહકો આવા એકાઉન્ટ શોધવા માટે RBI ના UDGAM પોર્ટલનો ઉપયોગ કરી શકે છે. જો કોઈ સમસ્યા આવે તો તમે Integrated Ombudsman Scheme હેઠળ ફરિયાદ પણ કરી શકો છો.