ભારતનું ડિજિટલ અર્થતંત્ર હવે ઝડપી ડિલિવરી મોડલથી આગળ વધીને નાના વ્યવસાયો માટે ક્રેડિટ સુવિધા અને ડિજિટલ ટ્રસ્ટ પર ધ્યાન કેન્દ્રિત કરી રહ્યું છે.
ભારતનું ડિજિટલ ટ્રાન્સફોર્મેશન એક મોટા બદલાવના તબક્કે છે. છેલ્લા દાયકામાં જ્યાં ઝડપી ડિલિવરી અને ઈન્ફ્રાસ્ટ્રક્ચર પર ધ્યાન હતું, ત્યાં હવે ગ્લોબલ ફિનટેક ફેસ્ટમાં નિષ્ણાતોએ સ્પષ્ટ કર્યું છે કે આગામી ગ્રોથ ડિજિટલ ઈન્ટેલિજન્સ અને ફાઈનાન્શિયલ ઈન્ક્લુઝનથી આવશે.
ટાટા ડિજિટલ અને સર્વિસ ક્વાલિટી
Tata Digital ના CEO સાજીથ શિવાનંદને જણાવ્યું હતું કે, માત્ર 10-મિનિટ ડિલિવરી જેવી બાબતો લાંબા ગાળે સફળતાનું એકમાત્ર માપદંડ નથી. કંપનીઓએ હવે મહાનગરોની બહાર નીકળીને અલગ જરૂરિયાતો ધરાવતા ગ્રાહકો માટે ઊંડી સેવાઓ અને સ્માર્ટ યુઝર એક્સપિરિયન્સ પર કામ કરવું પડશે.
ક્રેડિટ ગેપ ભરવાની તૈયારી
State Bank of India ના એમડી અશ્વિની કુમાર તિવારીએ ભાર મૂક્યો છે કે, નાની કંપનીઓ કે જેમને લોન લેવામાં તકલીફ પડતી હતી, તેમના માટે હવે તકો વધી રહી છે. UPI ટ્રાન્ઝેક્શન ડેટા, એકાઉન્ટ એગ્રીગેટર ફ્રેમવર્ક અને Unified Lending Interface નો ઉપયોગ કરીને હવે બેંકો કેશ-ફ્લો આધારિત ફાઈનાન્સિંગ તરફ આગળ વધી રહી છે. આનાથી પરંપરાગત બેલેન્સ શીટની જરૂરિયાતોને બદલે પેમેન્ટ હિસ્ટ્રીના આધારે લોન મળવી સરળ બનશે.
સાયબર સુરક્ષા અને ટ્રસ્ટ
જોકે, આ નવી ડિજિટલ ઈકોસિસ્ટમ સાથે સાયબર ફ્રોડ અને સોશિયલ એન્જિનિયરિંગના જોખમો પણ વધ્યા છે. યુઝર્સનો વિશ્વાસ જાળવી રાખવો એ હવે કંપનીઓ માટે મુખ્ય પડકાર છે. આગામી દાયકામાં AI અને વોઈસ-બેઝ્ડ ઈન્ટરફેસમાં સુરક્ષા અને ડેટા-બેઝ્ડ લેન્ડિંગનું સંતુલન જ રોકાણકારો માટે મુખ્ય મોનિટરિંગ પોઈન્ટ બની રહેશે.