જો તમારી હેલ્થ ઇન્સ્યોરન્સ કંપનીએ હોસ્પિટલના બિલમાં મનસ્વી કાપ મૂક્યો હોય, તો હવે ચિંતા ન કરો. 2024 IRDAI માસ્ટર સર્ક્યુલર મુજબ, તમે અન્યાયી કપાત (deductions) સામે અવાજ ઉઠાવી શકો છો.
અન્યાયી કપાત સામે રક્ષણ
IRDAI ના 2024 ના માસ્ટર સર્ક્યુલર મુજબ, હવે વીમા કંપનીઓ માટે ક્લેમમાં કરાયેલી દરેક કપાતનું સ્પષ્ટ અને વિગતવાર કારણ આપવું ફરજિયાત છે. અગાઉ, અસ્પષ્ટ પોલિસી ક્લોઝના નામે કંપનીઓ જે રીતે ક્લેમ રિજેક્ટ કરતી હતી, તેના પર હવે લગામ કસવામાં આવી છે.
પ્રપોર્શનેટ ડિડક્શન (Proportionate Deductions) નો વિવાદ
ઘણીવાર હોસ્પિટલના રૂમ રેન્ટની મર્યાદા કરતા વધુ ખર્ચ થાય તો કંપનીઓ અન્ય ખર્ચમાં પણ 'પ્રોપોર્શનેટ ડિડક્શન' લગાવી દે છે. પરંતુ, નવા નિયમો મુજબ, ફાર્મસી, સર્જિકલ ઇમ્પ્લાન્ટ્સ, ડાયગ્નોસ્ટિક પ્રોસિજર અને ICU ચાર્જિસ પર આ રીતે કપાત કરી શકાતી નથી. જો તમારી કંપનીએ આ ખર્ચમાં કાપ મૂક્યો હોય, તો તમે ચોક્કસપણે ફરીથી કેલ્ક્યુલેશન માટે અરજી કરી શકો છો.
કેવી રીતે ફરિયાદ કરવી?
જો ક્લેમ સેટલમેન્ટ અધૂરું હોય, તો નીચેના સ્ટેપ્સ અનુસરો:
- દસ્તાવેજો: હોસ્પિટલમાંથી ફાઈનલ ડિસ્ચાર્જ અને ઇન્સ્યોરરનો ક્લેમ લેટર સાચવી રાખો.
- ઇન્ટરનલ ગ્રીવન્સ: કંપનીને લેખિત ફરિયાદ કરો. કંપનીએ 14 દિવસની અંદર જવાબ આપવો અનિવાર્ય છે.
- Bima Bharosa પોર્ટલ: જો કંપનીનો જવાબ સંતોષકારક ન હોય, તો સીધા રેગ્યુલેટરના Bima Bharosa પોર્ટલ પર ફરિયાદ નોંધાવો.
- Insurance Ombudsman: અંતે, તમે કોઈ પણ વકીલ વગર વીમા લોકપાલ (Ombudsman) પાસે ન્યાય મેળવી શકો છો.
ભવિષ્યમાં મુશ્કેલી ટાળવા માટે, આગામી રિન્યુઅલ સમયે એવી પોલિસી પસંદ કરો જેમાં કન્ઝ્યુમેબલ્સ (consumables) માટે એડ-ઓન અને લવચીક રૂમ રેન્ટની સુવિધા હોય.