ભારતીય ખેતી ક્ષેત્રે હવે મેન્યુઅલ મજૂરીને બદલે ડ્રોન દ્વારા ખેતીનું ચલણ વધી રહ્યું છે. ડ્રોન-એઝ-અ-સર્વિસ મોડલની સફળતા અને ગ્રામીણ રોજગારીનો મુખ્ય આધાર હવે ડ્રોનની બેટરીની ક્ષમતા પર ટકી રહ્યો છે.
ખેતીમાં આધુનિક ટેકનોલોજીનો પ્રવેશ
ભારતીય ખેતીમાં અત્યાર સુધી રાસાયણિક છંટકાવ માટે મજૂરો પર નિર્ભર રહેવું પડતું હતું, જે ખૂબ જ કપરું અને સ્વાસ્થ્ય માટે હાનિકારક કામ છે. હવે ડ્રોન ટેકનોલોજી દ્વારા ચોકસાઈપૂર્વક (Precision spraying) છંટકાવ શક્ય બન્યો છે, જેનાથી પાણીનો બગાડ ઘટે છે અને પેસ્ટીસાઈડ્સનો ઉપયોગ પણ ઓછો થાય છે. જો કે, આ ટેકનોલોજી ત્યારે જ સક્સેસ જઈ શકે જો મશીનરીની ટકાઉપણું મજબૂત હોય.
બેટરીનો પડકાર અને ઉકેલ
ભારતના ખેતરોમાં પ્રચંડ ગરમી અને ધૂળ જેવી કઠિન પરિસ્થિતિઓ હોય છે. સામાન્ય ડ્રોન બેટરીઓ આવા વાતાવરણમાં ઝડપથી ખરાબ થઈ જાય છે. અત્યારે એન્જિનિયર્સ એવી બેટરી સિસ્ટમ પર કામ કરી રહ્યા છે જે 30 મિનિટથી ઓછા સમયમાં 85% ચાર્જ થઈ શકે અને કઠિન વાતાવરણમાં પણ 500 થી 800 સાયકલ સુધી ટકી શકે. થર્મલ મેનેજમેન્ટ સિસ્ટમ હવે મેન્યુફેક્ચરર્સ માટે મુખ્ય પ્રાથમિકતા બની ગઈ છે.
ગ્રામીણ અર્થતંત્રમાં ડ્રોનનું યોગદાન
ડ્રોન ટેકનોલોજીને કારણે હવે નાના ખેડૂતોએ મોંઘા સાધનો ખરીદવાની જરૂર નથી. 'ડ્રોન-એઝ-અ-સર્વિસ' મોડલ હેઠળ ખેડૂતો એકર દીઠ ભાડે ડ્રોન લઈ શકે છે. સ્થાનિક સ્તરે બેટરીના સ્પેરપાર્ટ્સનું નિર્માણ અને મેન્ટેનન્સ થવાથી ખર્ચ ઘટશે અને ગામડાના યુવાનો માટે રોજગારીની નવી તકો ઉભી થશે, જે કૃષિ ક્ષેત્રમાં યુવા પેઢીને ફરીથી આકર્ષવામાં મદદરૂપ થશે.