એરસ્પેસ ક્ષેત્રે મોટી હલચલ જોવા મળી છે. Airbus એ Adani Enterprises ની માલિકીની Indamer Technics સાથે જોડાણ કરીને દક્ષિણ એશિયાની પ્રથમ ડેડિકેટેડ રેડોમ રિપેર ફેસિલિટી નાગપુરમાં શરૂ કરી છે.
એરક્રાફ્ટની સુરક્ષા અને ટેક્નોલોજીના દ્રષ્ટિકોણથી આ નિર્ણય ખૂબ જ મહત્વનો છે. 'રેડોમ' એ વિમાનના આગળના ભાગમાં આવેલો તે હિસ્સો છે જે રડાર અને સંવેદનશીલ ઇલેક્ટ્રોનિક સિસ્ટમ્સનું રક્ષણ કરે છે. અત્યાર સુધી ભારતીય એરલાઇન્સ આ મહત્વના પાર્ટ્સના સમારકામ માટે વિદેશી સુવિધાઓ પર નિર્ભર હતી. હવે, નાગપુરના આ કેન્દ્રમાં સ્ટ્રક્ચરલ ઇન્સ્પેક્શનથી લઈને એડવાન્સ પેઇન્ટ-સ્ટ્રિપિંગ સુધીની તમામ કામગીરી થશે, જેનાથી A320, A330, A350 અને A380 જેવા એરક્રાફ્ટના મેન્ટેનન્સમાં લાગતો સમય ઘટશે.
Adani Enterprises માટે વ્યૂહાત્મક વિસ્તાર
ફેબ્રુઆરી 2026 માં Adani Enterprises એ ₹330 કરોડ ના મૂલ્યમાં Indamer Technics નું અધિગ્રહણ કર્યું હતું. આ ભાગીદારી તે જ વ્યૂહરચનાનો ભાગ છે. Indamer Technics એ Horizon Aero Solutions ની પેટાકંપની છે, જે Adani Defence & Aerospace અને Prime Aero વચ્ચેનું જોઈન્ટ વેન્ચર છે.
ભારતીય એવિએશન માર્કેટમાં સતત નવા એરક્રાફ્ટ ઉમેરાઈ રહ્યા છે, ત્યારે MRO (Maintenance, Repair, and Overhaul) સેક્ટરમાં આ સુવિધા લાંબા ગાળાની આવક અને કાર્યક્ષમતા વધારવા માટે ગેમ-ચેન્જર સાબિત થઈ શકે છે. રોકાણકારો હવે એ વાત પર નજર રાખી રહ્યા છે કે આ ટેકનિકલ ક્ષમતા કંપનીના બેલેન્સ શીટમાં કેટલી ઝડપથી વેલ્યુ એડ કરે છે.