ரியல் எஸ்டேட் நிறுவனமான Puravankara Limited, நடப்பு நிதி ஆண்டின் இரண்டாம் காலாண்டில் அசத்தலான வளர்ச்சியைப் பதிவு செய்துள்ளது. விற்பனை மதிப்பு **₹2,136 கோடி** என உயர்ந்துள்ள நிலையில், நிறுவனத்தின் புதிய புராஜெக்ட் திட்டங்களும் விரிவடைந்துள்ளன.
விற்பனையில் மின்னல் வேகம்
புர்வாங்குரா லிமிடெட் தனது இரண்டாம் காலாண்டு செயல்பாட்டு முடிவுகளை வெளியிட்டுள்ளது. கடந்த ஆண்டின் இதே காலக்கட்டத்தில் ₹1,322 கோடியாக இருந்த ப்ரீ-சேல்ஸ், இந்த முறை ₹2,136 கோடியாக உயர்ந்துள்ளது. இந்த வளர்ச்சிக்கு முக்கிய காரணம் விற்பனை வால்யூம் 22% அதிகரித்ததும், சதுர அடிக்கு விலை 32% வரை உயர்ந்ததும் தான். அதாவது தற்போது சதுர அடி விலை ₹11,651 ஆக உள்ளது.
சொத்து விற்பனை மற்றும் விரிவாக்கம்
நிறுவனம் தனது பணப்புழக்கத்தை அதிகரிக்க, 'Purva Zentech' என்ற கமர்ஷியல் சொத்தை ₹625.94 கோடிக்கு விற்றுள்ளது. இந்த முதலீட்டை புதிய குடியிருப்பு திட்டங்களுக்கு மாற்ற நிர்வாகம் திட்டமிட்டுள்ளது. குறிப்பாக, மும்பை மற்றும் கிரேட்டர் நொய்டாவில் புதிய நிலங்களை கைப்பற்றியுள்ளதன் மூலம், பெங்களூரை தாண்டி தனது வர்த்தகத்தை டெல்லி-NCR பகுதிகளுக்கும் கொண்டு சென்றுள்ளது.
வலுவான பைப்லைன்
இந்த நிதியாண்டின் முதல் பாதியில் மட்டும் நிறுவனம் சுமார் 10.74 msft பரப்பளவிலான புதிய புராஜெக்டுகளை கையில் எடுத்துள்ளது. இதன் மொத்த வளர்ச்சி மதிப்பு (GDV) சுமார் ₹14,100 கோடி என மதிப்பிடப்பட்டுள்ளது. குறிப்பாக, இரண்டாம் காலாண்டில் மட்டும் 6.51 msft பரப்பளவிலான புதிய திட்டங்கள் ஒப்பந்தம் செய்யப்பட்டுள்ளன. 'Westend', 'Miami' மற்றும் 'Equinox 6' போன்ற புதிய லான்ச்கள் மூலம் வரும் காலங்களில் விற்பனை மேலும் அதிகரிக்கும் என எதிர்பார்க்கப்படுகிறது.