United Spirits நிறுவனத்தின் சரக்குகள் மீது Directorate of Revenue Intelligence (DRI) அதிரடி நடவடிக்கை மேற்கொண்டுள்ளது. சுங்க வரி வகைப்பாடு (Customs Classification) தொடர்பாக **₹6.45 கோடி** மதிப்புள்ள பொருட்கள் பறிமுதல் செய்யப்பட்டுள்ளதாக நிறுவனம் தெரிவித்துள்ளது.
என்ன நடந்தது?
United Spirits நிறுவனத்தின் வளாகங்களில் அக்டோபர் 16 அன்று நடத்தப்பட்ட சோதனையைத் தொடர்ந்து, சுங்க வரிச் சட்டம் (Customs Act) பிரிவு 110-ன் கீழ் DRI இந்த நடவடிக்கையை எடுத்துள்ளது. அக்டோபர் 30 மற்றும் நவம்பர் 4 ஆகிய தேதிகளில் இதற்கான அதிகாரப்பூர்வ 'Seizure Memos' நிறுவனத்திற்கு வழங்கப்பட்டுள்ளன.
சர்ச்சையின் மையப்புள்ளி என்ன?
இந்த சிக்கல், இந்தியா மற்றும் இங்கிலாந்துக்கு இடையிலான தாராள வர்த்தக ஒப்பந்தத்தின் (India-UK FTA) கீழ் இறக்குமதி செய்யப்படும் பொருட்களுக்கான 'சுங்க வரி வகைப்பாடு' (Customs Tariff Classification) சார்ந்தது. இது ஒரு தனிப்பட்ட நிறுவனத்தின் பிரச்சனை மட்டுமல்ல, ஒட்டுமொத்த துறையையும் பாதிக்கும் விவகாரம் என்பதால், வர்த்தக சங்கங்கள் மத்திய வர்த்தக அமைச்சகத்திடம் தீர்வை நாடியுள்ளன.
முதலீட்டாளர்கள் கவனத்திற்கு...
இந்நிறுவனத்தின் அளவோடு ஒப்பிடும்போது, ₹6.45 கோடி என்பது சிறிய தொகையாக இருந்தாலும், DRI-ன் இந்த நேரடி நடவடிக்கை ஒரு Compliance ரிஸ்க்காக பார்க்கப்படுகிறது. தற்போது நிறுவனத்தின் செயல்பாடுகளில் எந்த பாதிப்பும் இல்லை என்று நிர்வாகம் கூறினாலும், எதிர்காலத்தில் வரிப் பொறுப்புகள் (Tax Liabilities) அல்லது அபராதங்கள் விதிக்கப்படுமா என்பதை பொறுத்திருந்துதான் பார்க்க வேண்டும்.