SBL Infratech நிறுவனம் தனது 11-வது AGM கூட்டத்தில், பெயரை Natural Agro Zone Ltd என்று மாற்ற முதலீட்டாளர்களின் ஒப்புதலைப் பெற்றுள்ளது. இத்துடன், நிறுவனத்தின் அதிகாரம் பெற்ற மூலதனத்தை (Authorized Share Capital) உயர்த்தவும் முடிவு செய்யப்பட்டுள்ளது.
புதிய முகத்துடன் களமிறங்கும் SBL Infratech
நிறுவனத்தின் 11-வது ஆண்டு பொதுக்குழு கூட்டத்தில் (AGM), 100% வாக்குகள் ஆதரவுடன் மொத்தம் 6 முக்கிய தீர்மானங்கள் நிறைவேற்றப்பட்டுள்ளன. இதில் மிக முக்கியமானதாக, நிறுவனத்தின் பெயர் Natural Agro Zone Limited என அதிகாரப்பூர்வமாக மாற்றப்பட்டுள்ளது.
ஏன் இந்த மாற்றம்?
பெயர் மாற்றத்தோடு நிறுத்திக்கொள்ளாமல், நிறுவனத்தின் அதிகாரம் பெற்ற ஷேர் கேபிட்டலை உயர்த்தவும் நிர்வாகம் ஒப்புதல் பெற்றுள்ளது. இதன் மூலம், இனிவரும் காலங்களில் விவசாயம் சார்ந்த புதிய வர்த்தக வாய்ப்புகளில் முதலீடு செய்யவும், தேவைப்பட்டால் கூடுதல் நிதி திரட்டவும் நிறுவனத்திற்கு வலுவான களம் கிடைத்துள்ளது.
நிர்வாகத்தில் மாற்றம்
இந்த மாற்றங்களை வழிநடத்த புதிய நிர்வாகக் குழுவும் உறுதியாகியுள்ளது. திரு. அங்கித் சர்மா இயக்குநராக மீண்டும் நியமிக்கப்பட்டுள்ளார். மேலும், திருமதி கின்ஜல் அல்பேஷ் பாய் சோலங்கி மற்றும் திரு. மௌலிக் சந்திரகாந்த் பாய் ராஜ்பால் ஆகியோர் குழுவில் இணைக்கப்பட்டுள்ளனர்.
இனி வரும் நாட்களில், இந்த நிறுவனம் எந்த மாதிரியான புதிய பிசினஸ் பிளான்களை செயல்படுத்தப் போகிறது மற்றும் மூலதனத்தை எப்படி பயன்படுத்தப் போகிறது என்பதை உன்னிப்பாக கவனிப்பது முதலீட்டாளர்களுக்கு நல்லது.