Schaeffler India: மத்திய அரசுக்கு ஜிஎஸ்டி வரி செலுத்த உத்தரவு! ஷேர் ஹோல்டர்கள் கவனத்திற்கு

வரி சிக்கலில் Schaeffler India

இந்தூர் ஜிஎஸ்டி அதிகாரிகள், Schaeffler India நிறுவனத்திற்கு ₹13.85 கோடி வரி மற்றும் அபராதம் செலுத்தும்படி உத்தரவிட்டுள்ளனர். 2020-21 முதல் 2023-24 வரையிலான நிதியாண்டுகளுக்கான ஜிஎஸ்டி தணிக்கையின் (Audit) அடிப்படையில் இந்த நடவடிக்கை எடுக்கப்பட்டுள்ளது.

எதனால் இந்த சிக்கல்?

மத்திய பிரதேசத்தில் உள்ள அந்த நிறுவனத்தின் கிடங்கில் (Warehouse), சட்டத்திற்குப் புறம்பாக அதிகப்படியான Input Tax Credit (ITC) கோரப்பட்டதாகத் அதிகாரிகள் குற்றம் சாட்டியுள்ளனர். மேலும், ஓசூரில் உள்ள தொழிற்சாலையிலிருந்து மத்திய பிரதேச கிடங்கிற்கு அனுப்பப்பட்ட பொருட்கள் மற்றும் வேளாண் துறைக்கு சப்ளை செய்யப்பட்ட டிராக்டர் உதிரிபாகங்கள் மீதான வரி விகிதங்களில் முரண்பாடு இருப்பதாகக் குறிப்பிடப்பட்டுள்ளது.

அடுத்த கட்டம் என்ன?

இந்தக் குற்றச்சாட்டுகளை ஏற்க மறுத்துள்ள Schaeffler India, இது குறித்து இந்தூர் ஜிஎஸ்டி கமிஷனரிடம் மேல்முறையீடு செய்யத் திட்டமிட்டுள்ளது. நிறுவனத்தின் அன்றாட செயல்பாடுகளிலோ அல்லது ஒட்டுமொத்த நிதி நிலையிலோ இந்த விவகாரத்தால் பெரிய பாதிப்பு ஏதும் ஏற்படாது என்று முதலீட்டாளர்களுக்கு நிறுவனம் உறுதியளித்துள்ளது. இந்த சட்டப் போராட்டம் மற்றும் அதன் முடிவுகளைத் தொடர்ந்து கண்காணிப்பது அவசியமாகும்.