Vishnu Prakash R Punglia: கடன் தவணை செலுத்த தாமதம்! கிரெடிட் ரேட்டிங் அதிரடி குறைப்பு

ரேட்டிங் சரிவு - பின்னணி என்ன?

Infomerics Valuation and Rating நிறுவனம், Vishnu Prakash R Punglia-வின் வங்கி கடன் வசதிகள் மீதான ரேட்டிங்கை IVR BB+/Stable என்ற நிலையில் இருந்து IVR C+/Stable ஆக குறைத்துள்ளது. அதேபோல், குறுகிய கால ரேட்டிங் IVR A4+ இலிருந்து IVR A4 ஆக சரிந்துள்ளது. இதற்கிடையில், CARE Ratings நிறுவனமும் இந்த கம்பெனியை 'Issuer Not Cooperating' பட்டியலில் வைத்துள்ளது.

நிதி நெருக்கடியின் புள்ளிவிவரங்கள் (FY26 Results):

கம்பெனியின் நிதி நிலைமை இந்தாண்டு பெரிய சரிவை சந்தித்துள்ளது:

• நெட் லாபம்: கடந்த ஆண்டு ₹58.60 கோடி லாபம் ஈட்டிய நிலையில், இந்த முறை ₹150.11 கோடி நஷ்டத்தை சந்தித்துள்ளது.
• வருவாய்: ஆபரேட்டிங் வருமானம் கடந்த ஆண்டின் ₹1,237.42 கோடி என்பதில் இருந்து, இந்த முறை ₹851.20 கோடி ஆக சரிந்துள்ளது.
• EBITDA: நேர்மறையாக இருந்த ₹155.46 கோடி இப்போது -₹82.08 கோடி என எதிர்மறையாக மாறியுள்ளது.

Liquidity & Working Capital சிக்கல்கள்:

கம்பெனியின் பணப்புழக்கம் (Liquidity) பெரும் அழுத்தத்தில் உள்ளது. குறிப்பாக, அரசு தரப்பிலிருந்து வர வேண்டிய கட்டணங்கள் தாமதமாவதும், புராஜெக்ட் எக்ஸிகியூஷனில் ஏற்பட்டுள்ள தடைகளும் நிறுவனத்தை வாட்டி வதைக்கின்றன. இதனால், ஆபரேட்டிங் சைக்கிள் 188 நாட்களில் இருந்து 237 நாட்களாக நீண்டுள்ளது.

நம்பிக்கை தரும் ஒரே விஷயம்:

நிதி ரீதியாக பலவீனமாக இருந்தாலும், கம்பெனியிடம் இன்னும் ₹4,391 கோடி மதிப்பிலான ஆர்டர் புக் (Order Book) கையில் உள்ளது. சரியான முறையில் வேலைகளை முடித்து பணத்தை வசூலித்தால் மட்டுமே, கம்பெனி இந்த கடன் நெருக்கடியிலிருந்து மீண்டு வர முடியும்.