UltraTech Cement: எலெக்ட்ரிக் டிரக்குகளின் அதிரடி வருகை! 2026-க்குள் 600 வாகனங்கள் இலக்கு

கிரீன் லாஜிஸ்டிக்ஸில் ஒரு மைல்கல்

இந்தத் திட்டத்தின் முக்கிய நோக்கம், சிமெண்ட் உற்பத்தியில் உள்ள கார்பன் அளவை (Carbon Intensity) பெருமளவில் குறைப்பதே ஆகும். இதன் மூலம் ஆண்டுக்கு சுமார் 1,17,000 டன் CO2 வெளியேற்றம் தடுக்கப்படும் என்றும், 3.9 கோடி லிட்டர் டீசல் பயன்பாடு குறைக்கப்படும் என்றும் நிறுவனம் கணித்துள்ளது.

எவருடன் கூட்டணி?

இந்த மாபெரும் திட்டத்திற்காக, இந்தியாவின் முன்னணி வாகன தயாரிப்பு நிறுவனங்களுடன் UltraTech கூட்டணி வைத்துள்ளது. இதில் Tata Motors, Ashok Leyland, IPLTech, Energy in Motion மற்றும் Sany ஆகிய நிறுவனங்கள் இணைந்து செயல்படுகின்றன. குஜராத், உத்தரப்பிரதேசம், மத்திய பிரதேசம், ராஜஸ்தான், சத்தீஸ்கர், மகாராஷ்டிரா மற்றும் ஒடிசா ஆகிய 7 மாநிலங்களில் இந்த எலெக்ட்ரிக் டிரக்குகள் இயக்கப்பட உள்ளன.

சவால்கள் என்ன?

நீண்ட தூர பயணங்களுக்குத் தேவையான சார்ஜிங் ஸ்டேஷன் (Charging Infrastructure) வசதிகளை உருவாக்குவது, கிராமப்புற தொழிற்சாலைகளில் பேட்டரி திறன் பராமரிப்பு போன்றவை நிறுவனத்திற்கு உள்ள முக்கிய சவால்கள். மேலும், இந்த வாகனங்களுக்கான அதிகப்படியான ஆரம்ப முதலீடு (CAPEX) நீண்ட காலத்திற்கு லாபத்தை எப்படி பாதிக்கும் என்பதையும் முதலீட்டாளர்கள் கவனிக்க வேண்டும்.