LCC Projects நிறுவனம் தனது செப்டம்பர் காலாண்டு நிதிநிலை அறிக்கையை வெளியிட்டுள்ளது. இதில் கம்பெனியின் வருவாய் மற்றும் லாபம் இரண்டும் கணிசமாக உயர்ந்து முதலீட்டாளர்களை உற்சாகப்படுத்தியுள்ளது.
வலுவான காலாண்டு வளர்ச்சி
கட்டுமானத் துறையில் முன்னணியில் உள்ள LCC Projects Limited, கடந்த செப்டம்பர் 30, 2026-ல் முடிந்த காலாண்டில் மிகச்சிறந்த நிதி செயல்பாட்டை பதிவு செய்துள்ளது. கம்பெனியின் வருவாய் கடந்த ஆண்டு இருந்த Rs 661.33 கோடி என்ற நிலையிலிருந்து, இந்த முறை Rs 885.73 கோடி ஆக அதிகரித்துள்ளது.
அதேபோல், நெட் ப்ராஃபிட் (PAT) கடந்த ஆண்டின் Rs 48.56 கோடி என்ற நிலையிலிருந்து, தற்போது Rs 76.95 கோடி ஆக உயர்ந்துள்ளது. இதன் விளைவாக, நிறுவனத்தின் ஒரு பங்கிற்கான வருமானம் (EPS) Rs 1.71-லிருந்து Rs 2.57 ஆக முன்னேறியுள்ளது.
IPO நிதி பயன்பாடு என்ன?
நிறுவனம் IPO மூலம் திரட்டிய Rs 2,580 மில்லியன் நிதியில், இதுவரை Rs 426.63 மில்லியன் மட்டுமே செலவிடப்பட்டுள்ளது. இதில் முக்கியமாக Rs 285.91 மில்லியன் கடன் அடைப்பதற்கும், Rs 140.72 மில்லியன் IPO தொடர்பான இதர செலவுகளுக்கும் பயன்படுத்தப்பட்டுள்ளது.
தற்போது கையில் இன்னும் Rs 2,153.37 மில்லியன் அளவிற்கு நிதி கையிருப்பில் உள்ளது. இந்த நிதியை நிறுவனம் கடனை அடைப்பதற்கும், இதர கார்ப்பரேட் தேவைகளுக்கும் எப்போது மற்றும் எப்படி பயன்படுத்தப்போகிறது என்பதுதான் அடுத்தக்கட்ட கவனத்திற்குரிய விஷயம்.