Gconnect Logitech and Supply Chain Ltd நிறுவனம் தனது பெயரை 'Sheth Eba Global Venture Limited' என மாற்றுகிறது. அதுமட்டுமின்றி, லாஜிஸ்டிக்ஸ் துறையிலிருந்து ஸ்டீல் மற்றும் இரும்புத் தொழிலுக்கு மாறவும் நிறுவனம் திட்டமிட்டுள்ளது.
பெரும் மாற்றம்.. புதிய இலக்கு!
Gconnect Logitech நிறுவனம் தனது வணிகப் பாதையை முழுமையாக மாற்றத் திட்டமிட்டுள்ளது. இதற்காக, கம்பெனியின் பெயர் மாற்றம், தலைமை அலுவலகத்தை குஜராத்திலிருந்து மகாராஷ்டிராவுக்கு மாற்றுதல் மற்றும் அங்கீகரிக்கப்பட்ட பங்கு மூலதனத்தை (Authorized Share Capital) ₹4 கோடியிலிருந்து ₹10 கோடியாக உயர்த்துவது எனப் பல அதிரடி முடிவுகளை போர்டு ஆஃப் டைரக்டர்ஸ் எடுத்துள்ளனர்.
ஸ்டீல் துறையில் கால்பதிப்பு
தற்போதைய லாஜிஸ்டிக்ஸ் பிசினஸிலிருந்து வெளியேறி, இரும்பு மற்றும் ஸ்டீல் (Iron & Steel) உற்பத்தி, அதன் செயலாக்கம் மற்றும் மெட்டல் ஃபேப்ரிகேஷன் போன்ற துறைகளில் கம்பெனி கவனம் செலுத்த உள்ளது. கனரக பொறியியல் மற்றும் உள்கட்டமைப்புத் துறைக்குத் தேவையான உதிரிபாகங்களை உருவாக்குவதே இந்த நீண்டகால இலக்கின் நோக்கம்.
அடுத்து என்ன?
கம்பெனியின் பெயர் மாற்றம் மற்றும் அலுவலக மாற்றம் போன்றவற்றுக்கு பங்குதாரர்களின் (Shareholders) ஒப்புதல் மிக அவசியம். இது குறித்து நடைபெறவிருக்கும் வருடாந்திர பொதுக் கூட்டத்தில் (AGM) இறுதி முடிவு எடுக்கப்படும். புதிய பிசினஸ் பிரிவிற்கான முதலீடு, நிதித் திட்டம் மற்றும் செயல்பாட்டு வரைபடம் குறித்து முதலீட்டாளர்கள் தொடர்ந்து கண்காணிப்பது அவசியம்.