இந்திய புதுப்பிக்கத்தக்க எரிசக்தி மேம்பாட்டு முகமையான (IREDA) தனது புதிய தலைவராக மற்றும் நிர்வாக இயக்குநராக (CMD) ஜதின் குமார் நாயக்கை நியமித்துள்ளது. அக்டோபர் 30, 2026 முதல் இவர் பொறுப்பேற்றுள்ளார்.
புதிய தலைமை மாற்றம்
அரசு நிறுவனமான IREDA-வில் முக்கிய மாற்றமாக, ஜதின் குமார் நாயக் அதன் புதிய தலைவர் மற்றும் நிர்வாக இயக்குநராக (CMD) அதிகாரப்பூர்வமாக அறிவிக்கப்பட்டுள்ளார். புதுப்பிக்கத்தக்க எரிசக்தி அமைச்சகத்தின் அறிவிப்புப்படி, அக்டோபர் 30, 2026 முதல் இந்த பொறுப்பு அமலுக்கு வந்துள்ளது. இவர் ஜூன் 30, 2029 வரை அல்லது அடுத்த உத்தரவு வரும் வரை இந்தப் பதவியில் இருப்பார்.
பொறுப்பில் இருந்து விலகும் பிஜேய் குமார் மோஹந்தி
இதுவரை கூடுதல் பொறுப்பாக CMD பணிகளை கவனித்து வந்த டாக்டர் பிஜேய் குமார் மோஹந்தி, அக்டோபர் 30, 2026 முதல் அந்த பொறுப்பிலிருந்து விடைபெறுகிறார். இருப்பினும், அவர் நிறுவனத்தின் நிதி இயக்குநர் (Director Finance) மற்றும் தலைமை நிதி அதிகாரி (CFO) பணிகளைத் தொடர்ந்து கவனிப்பார்.
யார் இந்த ஜதின் குமார் நாயக்?
பவர் செக்டாரில் 34 ஆண்டுகளுக்கும் மேலான அனுபவம் கொண்டவர் ஜதின் குமார் நாயக். இவர் REC Limited-ல் எக்ஸிகியூட்டிவ் இயக்குநராக (Finance) பணியாற்றிய அனுபவம் பெற்றவர். மேலும் NHPC Limited, NALCO மற்றும் ஹிந்துஸ்தான் காப்பர் லிமிடெட் போன்ற முன்னணி நிறுவனங்களின் நிதித்துறையில் முக்கிய பொறுப்புகளை வகித்துள்ளார். கார்ப்ரேட் பைனான்ஸ் மற்றும் ரிஸ்க் மேனேஜ்மென்ட்டில் இவருக்கு அபாரமான அனுபவம் உண்டு.
முதலீட்டாளர்கள் கவனத்திற்கு
ஜதின் குமார் நாயக் மீது SEBI அல்லது எந்தவொரு ஒழுங்குமுறை ஆணையத்தின் தடையும் இல்லை என்பதை நிறுவனம் உறுதிப்படுத்தியுள்ளது. புதிய தலைமையின் கீழ் IREDA-வின் நிதி இலக்குகள் மற்றும் புதுப்பிக்கத்தக்க எரிசக்தி திட்டங்களுக்கு எவ்வாறு நிதி ஒதுக்கீடு செய்யப்போகிறது என்பதை முதலீட்டாளர்கள் உன்னிப்பாகக் கவனித்து வருகின்றனர்.