Sigma Advanced Systems: ஸ்ரீ சிட்டியில் புதிய ஏரோஸ்பேஸ் தொழிற்சாலை! உற்பத்தியைத் தொடங்கிய நிறுவனம்

உற்பத்தியில் புதிய மைல்கல்

வெறும் 8 மாதங்களுக்குள் கட்டுமானப் பணிகளை முடித்து, தற்போது இந்த ஆலை செயல்பாட்டுக்கு வந்துள்ளது. முதல் கட்டமாகத் தயாரிக்கப்பட்ட உதிரிபாகங்கள் ஏற்கனவே தரச் சரிபார்ப்புக்காக Sigma UK நிறுவனத்திற்கு அனுப்பப்பட்டுள்ளன. மேலும், Rolls-Royce Aerospace-இடம் இதற்கான அனுமதி பெறும் பணிகளும் மும்முரமாக நடைபெற்று வருகின்றன.

ஏன் இந்த முதலீடு முக்கியமானது?

நிறுவனத்தின் எதிர்காலத் திட்டப்படி, சுமார் 70% உற்பத்திப் பணிகளை இந்தியாவுக்கு மாற்றத் திட்டமிட்டுள்ளனர். நான்கு முக்கிய துறைமுகங்களுக்கு அருகாமையில் இந்த ஆலை அமைந்திருப்பது, எக்ஸ்போர்ட் வணிகத்திற்குப் பெரிய பலமாக இருக்கும்.

விரிவாக்கத் திட்டங்கள்

தற்போது 75,000 சதுர அடியில் தொடங்கி இருந்தாலும், எதிர்காலத்தில் இது 5,00,000 சதுர அடி வரை விரிவாக்கப்படும். தற்போது ஆண்டுக்கு 1,00,000 மெஷினிங் மணிநேரம் (machining hours) என்ற அளவில் இருக்கும் உற்பத்தி திறன், விரைவில் 3,00,000 ஆக உயர்த்த இலக்கு நிர்ணயிக்கப்பட்டுள்ளது. அடுத்த 3 ஆண்டுகளில் சுமார் 500 பேருக்கு வேலைவாய்ப்பு கிடைக்கும் என எதிர்பார்க்கப்படுகிறது.

நிதி இலக்கு மற்றும் சவால்கள்

நிறுவனத்தின் CEO சுனில் காளிதிண்டி, இந்த விரிவாக்கம் மூலம் Double-digit EBITA வளர்ச்சியை அடைய முடியும் என நம்பிக்கை தெரிவித்துள்ளார். இருப்பினும், உரிய நேரத்தில் மீதமுள்ள கட்டுமானப் பணிகளை முடிப்பதும், NADCAP போன்ற சர்வதேச தரச் சான்றிதழ்களைப் பெறுவதுமே நிறுவனத்தின் முக்கிய சவால்களாக இருக்கும்.