PTC Industries நிறுவனத்தின் துணை நிறுவனமான Aerolloy Technologies, பிரபல Safran Aircraft Engines நிறுவனத்திடம் இருந்து LEAP என்ஜின் தயாரிப்புகளுக்கான புதிய ஆர்டரைப் பெற்றுள்ளது.
வான்வெளி மற்றும் பாதுகாப்பு துறையில் தனது ஆதிக்கத்தை விரிவுபடுத்தி வரும் PTC Industries, மீண்டும் ஒரு முக்கிய மைல்கல்லை எட்டியுள்ளது. இதன் துணை நிறுவனமான Aerolloy Technologies, உலகப்புகழ் பெற்ற Safran Aircraft Engines நிறுவனத்திடம் இருந்து மிக முக்கியமான Titanium cast பாகங்களை தயாரிப்பதற்கான ஆர்டரை பெற்றுள்ளது. இது குறித்து இரு நிறுவனங்களும் நீண்ட கால புரிந்துணர்வு ஒப்பந்தத்தில் (MoU) கையெழுத்திட்டுள்ளன.
எதற்காக இந்த ஆர்டர்?
இந்த பாகங்கள் புகழ்பெற்ற LEAP என்ஜின் திட்டத்திற்காகத் தயாரிக்கப்பட உள்ளன. இந்த என்ஜின்கள் Airbus A320neo, Boeing 737 MAX மற்றும் COMAC C919 போன்ற உலகின் முன்னணி விமானங்களில் பயன்படுத்தப்படுகின்றன. இதற்காக PTC-யின் பிரத்யேகமான 'PTC ONE™' தொழில் நுட்பத்தை நிறுவனம் பயன்படுத்தவுள்ளது.
முதலீட்டாளர்கள் கவனத்திற்கு
இது நிறுவனத்திற்கு கிடைத்திருக்கும் இரண்டாவது ஆர்டர் என்பதால், Safran நிறுவனத்தின் நம்பிக்கையை PTC பெற்றுள்ளது தெளிவாகிறது. தற்போது இது வளர்ச்சி நிலையில் (Development phase) இருந்தாலும், தகுதிக்கான சோதனைகள் முடிந்ததும் பெரிய அளவிலான உற்பத்தியை (Serial production) தொடங்கும் வாய்ப்பு உள்ளது.
கவனிக்க வேண்டிய ரிஸ்க்
இந்த ஆர்டரின் நிதி மதிப்பு (Contract value) இன்னும் அறிவிக்கப்படவில்லை. மேலும், இது தற்போதைக்கு வளர்ச்சி கட்டத்தில் இருப்பதால், முழுமையான வருவாய் என்பது தயாரிப்புகள் தகுதி பெற்று வணிக ரீதியாக உற்பத்தி செய்யப்படும்போதே தெரியவரும். எனவே, அடுத்தடுத்த கட்டங்களில் தகுதிப் பணிகள் (Qualification process) எப்படி நகர்கிறது என்பதை முதலீட்டாளர்கள் தொடர்ந்து கவனிக்க வேண்டும்.