Thomas Cook (India) Ltd च्या व्यवसायात आता मोठे बदल होणार आहेत. NCLT ने कंपनीच्या 'कॉम्पोझिट स्कीम ऑफ अरेंजमेंट'ला मंजुरी दिली असून, यामध्ये कंपनीचा रिसॉर्ट व्यवसाय वेगळा करणे, तीन कंपन्यांचे विलीनीकरण आणि शेअर कॅपिटल रिस्ट्रक्चरिंगचा समावेश आहे.
काय आहे ही पुनर्रचना?
नॅशनल कंपनी लॉ ट्रिब्युनलच्या (NCLT) मुंबई खंडपीठाने Thomas Cook (India) च्या अर्जाला अधिकृत मंजुरी दिली आहे. या प्रक्रियेमुळे कंपनीच्या व्यवसायात आणि भांडवली रचनेत मोठे बदल होणार आहेत:
- रिसॉर्ट व्यवसायाचे डिमर्जर: कंपनीचा 'रिसॉर्ट बिझनेस' आता पूर्णपणे मालकीच्या उपकंपनी 'Sterling Holiday Resorts Limited' (SHRL) कडे हस्तांतरित केला जाईल.
- विलीनीकरण: TC Visa Services, Jardin Travel Solutions आणि Borderless Travel Services या तीन कंपन्यांचे मूळ कंपनीमध्ये विलीनीकरण केले जाईल, जेणेकरून कामकाजात सुलभता येईल.
- कॅपिटल रिऑर्गनायझेशन: कंपनी 4 इक्विटी शेअर्स (फेस व्हॅल्यू ₹1) एकत्र करून 1 शेअर (₹4 फेस व्हॅल्यू) करणार आहे. त्यानंतर, भांडवल कपात करून फेस व्हॅल्यू ₹3 प्रति शेअरपर्यंत आणली जाईल.
गुंतवणूकदारांना काय फायदा?
या योजनेनुसार, Thomas Cook (India) च्या प्रत्येक 100 शेअर्सच्या बदल्यात गुंतवणूकदारांना SHRL चे 81 शेअर्स (₹10 फेस व्हॅल्यू असलेले) मिळणार आहेत. या निर्णयामुळे ट्रॅव्हल आणि हॉस्पिटॅलिटी हे दोन्ही व्यवसाय स्वतंत्रपणे वाढीच्या दिशेने वाटचाल करू शकतील.
पुढील ६० दिवस महत्त्वाचे
NCLT ने कंपनीला पुढील 60 दिवसांच्या आत भागधारक आणि कर्जदारांच्या बैठका बोलावण्याचे निर्देश दिले आहेत. या बैठका अंतिम मंजुरीच्या दृष्टीने अत्यंत महत्त्वाच्या ठरणार आहेत. गुंतवणूकदारांनी आता BSE च्या अधिकृत फाईलिंग्जवर लक्ष ठेवावे, जिथे बैठकीच्या तारखा जाहीर केल्या जातील.