The New India Assurance Company ने लावन्या आर. मुंडायूर यांची अध्यक्ष आणि व्यवस्थापकीय संचालक (CMD) म्हणून नियुक्ती जाहीर केली आहे. हा कार्यभार ३० सप्टेंबर २०२६ पासून प्रभावी होणार आहे.
नव्या नेतृत्वाचा प्रवास
वित्त मंत्रालयाने अधिकृतपणे लावन्या आर. मुंडायूर यांच्या नियुक्तीवर शिक्कामोर्तब केले आहे. त्या ३० सप्टेंबर २०२६ पासून आपला कार्यभार स्वीकारतील आणि ३१ मे २०२९ पर्यंत या पदावर कार्यरत राहतील. एस. शिवशंकर यांच्याकडे असलेल्या अतिरिक्त कार्यभाराची जबाबदारी आता मुंडायूर यांच्याकडे सोपवण्यात आली आहे.
लावन्या मुंडायूर कोण आहेत?
विमा क्षेत्रातील ३० वर्षांहून अधिक प्रदीर्घ अनुभव असलेल्या लावन्या आर. मुंडायूर या यापूर्वी 'Agriculture Insurance Company of India' (AICIL) च्या प्रमुख होत्या. त्या 'The New India Assurance' मध्ये याआधीही जनरल मॅनेजर-टेक्निकल आणि चीफ अंडररायटिंग ऑफिसर म्हणून जबाबदारी सांभाळली आहे. तसेच, दुबईमधील आंतरराष्ट्रीय ऑपरेशन्सचे नेतृत्व करणाऱ्या त्या पहिल्या महिला सीईओ ठरल्या होत्या.
गुंतवणूकदारांसाठी महत्त्वाचे
मुंडायूर यांचा प्रॉपर्टी, मरीन आणि एव्हिएशन अंडररायटिंगमधील अनुभव कंपनीसाठी फायदेशीर ठरू शकतो. येणाऱ्या काळात कंपनीच्या नफ्यातील वाढ आणि आंतरराष्ट्रीय व्यवसायाचा विस्तार यावर गुंतवणूकदारांचे लक्ष असेल.