Solar Industries India એ સાઉથ આફ્રિકાની Omnia Holdings ને **$1.35 અબજ**માં ખરીદવા માટે કરાર કર્યા છે. આ સંપૂર્ણ કેશ ડીલ છે, જેમાં કંપની કોઈ પણ પ્રકારનું ઈક્વિટી ડાયલ્યુશન કરશે નહીં.
વૈશ્વિક વિસ્તરણની મોટી ચાલ
Solar Industries India હવે તેના વ્યવસાયને વિશ્વના 100 થી વધુ દેશોમાં ફેલાવવા જઈ રહી છે. સાઉથ આફ્રિકાની કેમિકલ્સ અને એક્સપ્લોઝિવ્સ જાયન્ટ Omnia Holdings સાથેની આ ડીલ સંપૂર્ણપણે ડેટ (Debt) અને કંપનીના આંતરિક ફંડ દ્વારા કરવામાં આવશે. મેનેજમેન્ટે સ્પષ્ટતા કરી છે કે આ માટે કોઈ પણ નવા શેર ઇસ્યુ કરવામાં આવશે નહીં, એટલે કે શેરહોલ્ડરો માટે કોઈ ઈક્વિટી ડાયલ્યુશનનું જોખમ નથી.
બિઝનેસમાં મોટું પરિવર્તન
આ સોદા બાદ Solar Industries માત્ર એક્સપ્લોઝિવ્સ બનાવતી કંપની મટીને એક ગ્લોબલ કેમિકલ સોલ્યુશન્સ પ્લેયર બની જશે. Omnia ની નાઈટ્રિક એસિડ અને એમોનિયમ નાઈટ્રેટ ઈન્ફ્રાસ્ટ્રક્ચરની તાકાત હવે Solar પાસે હશે, જેનાથી સપ્લાય ચેઈન મજબૂત થશે. કંપનીએ FY28 સુધીમાં ₹30,000 કરોડથી વધુનું રેવન્યુ મેળવવાનું લક્ષ્ય રાખ્યું છે, જ્યારે EBITDA ₹6,800 થી ₹7,000 કરોડની વચ્ચે રહેવાની ધારણા છે.
શું છે રોકાણકારો માટે ચેતવણી?
આ મોટા સોદામાં દેવું વધશે, તેથી રોકાણકારોએ કંપનીના નેટ-ડેબટ-ટુ-EBITDA રેશિયો પર નજર રાખવી જોઈએ, જેને કંપનીએ 2x થી નીચે રાખવાનું વચન આપ્યું છે. આ ઉપરાંત, વિવિધ દેશોની નિયમનકારી મંજૂરીઓ મળવી પણ આગામી સમયમાં સૌથી મોટો પડકાર રહેશે.