GAIL (India) Ltd એ તેના મહત્વકાંક્ષી Kochi-Koottanad-Bengaluru-Mangaluru Pipeline (KKBMPL) પ્રોજેક્ટ માટે ડેડલાઈન લંબાવીને માર્ચ 2027 કરી દીધી છે.
પ્રોજેક્ટમાં કેમ લાગ્યો વિલંબ?
કંપનીના બોર્ડ ઓફ ડિરેક્ટર્સ દ્વારા મળેલી મંજૂરી મુજબ, KKBMPL પ્રોજેક્ટ પૂર્ણ કરવાની સમયમર્યાદા હવે માર્ચ 2027 નક્કી કરવામાં આવી છે. આ વિલંબ પાછળનું મુખ્ય કારણ જમીન સંપાદન (land access) માં આવતા અવરોધો છે. કંપની હવે Petroleum and Natural Gas Regulatory Board (PNGRB) સાથે મળીને પ્રોજેક્ટની નવી સમયરેખાને અંતિમ સ્વરૂપ આપી રહી છે.
રોકાણકારો માટે રાહતના સમાચાર
સામાન્ય રીતે પ્રોજેક્ટ મોડો પડે ત્યારે રોકાણકારોને ખર્ચ વધવાની ચિંતા સતાવતી હોય છે, પરંતુ GAIL એ સ્પષ્ટ કર્યું છે કે આ વિસ્તરણ માટે કોઈપણ વધારાના કેપિટલ એક્સપેન્ડિચર (Capex) ની જરૂર પડશે નહીં. કંપનીની બેલેન્સ શીટ પર આનાથી કોઈ નકારાત્મક અસર પડશે નહીં.
પ્રોજેક્ટનું વર્તમાન સ્ટેટસ
પ્રોજેક્ટની કુલ મંજૂર લંબાઈ 1,104 કિમી છે, જેમાંથી 951 કિમી પર કામ ચાલી રહ્યું છે. GAIL અત્યાર સુધીમાં 947 કિમી કામ પૂરું કરી ચૂક્યું છે, જેમાંથી 715 કિમી નેટવર્ક પહેલેથી જ કાર્યરત થઈ ગયું છે. હવે બાકી રહેલા અંતિમ ટુકડાઓ પર કામ ઝડપી બનાવવામાં આવશે.