Elantas Beck India માટે મોટા સારા સમાચાર સામે આવ્યા છે. ગુજરાત પોલ્યુશન કંટ્રોલ બોર્ડ (GPCB) દ્વારા કંપનીના અંકલેશ્વર પ્લાન્ટ પર લાદવામાં આવેલા ક્લોઝર ઓર્ડરને કાયમી ધોરણે રદ કરવામાં આવ્યો છે.
લાંબા સમયથી ચાલી રહેલી અનિશ્ચિતતાનો અંત
Elantas Beck India Ltd માટે આ એક મોટી સિદ્ધિ છે. કંપનીના અંકલેશ્વર (GIDC) સ્થિત મેન્યુફેક્ચરિંગ યુનિટ પર માર્ચ ૨૦૧૯ થી જે ક્લોઝરની તલવાર લટકતી હતી, તે આખરે હટી ગઈ છે. GPCB દ્વારા ૨૭ ઓક્ટોબર, ૨૦૨૬ ના રોજ જારી કરાયેલા આદેશ મુજબ, અગાઉના તમામ બંધ કરવાના નિર્દેશોને કાયમી ધોરણે રદ કરવામાં આવ્યા છે.
આ નિર્ણય કેમ મહત્વનો છે?
વર્ષ ૨૦૧૯ માં ગ્રાઉન્ડવોટર પ્રદૂષણના મુદ્દે GPCB દ્વારા આ યુનિટને બંધ કરવાનો આદેશ અપાયો હતો, જેના કારણે કંપનીએ છેલ્લા ૭ વર્ષ થી ભારે સંઘર્ષ કરવો પડ્યો હતો. વારંવારના હંગામી ઓપરેશન અને રેગ્યુલેટરી અડચણોને કારણે પ્રોડક્શન પર તેની અસર પડતી હતી, પરંતુ હવે પરમીનન્ટ રિવોકેશન મળવાથી પ્લાન્ટમાં ફરીથી સ્થિરતા આવશે.
રોકાણકારોએ શું ધ્યાનમાં રાખવું?
જોકે ક્લોઝર ઓર્ડર હટાવી લેવામાં આવ્યો છે, પરંતુ કંપનીએ હજુ પણ GPCB દ્વારા નક્કી કરાયેલા પર્યાવરણીય નિયમોનું કડક પાલન કરવું પડશે. જો ભવિષ્યમાં નિયમોનું ઉલ્લંઘન થશે, તો ફરીથી તપાસનો સામનો કરવો પડી શકે છે. હાલમાં કંપનીએ સ્પષ્ટ કર્યું છે કે આ નિર્ણયની કોઈ અલગ નાણાકીય અસર (financial impact) નથી, પરંતુ હવે પ્લાન્ટમાં નોર્મલ પ્રોડક્શન જોવા મળી શકે છે.