One MobiKwik Systems ને RBI તરફથી મોટી રાહત મળી છે. કંપનીને તેની સબસિડિયરી MFSPL દ્વારા NBFC તરીકે કામગીરી કરવા માટે સત્તાવાર પ્રમાણપત્ર મળી ગયું છે.
RBI ની મંજૂરી બાદ બિઝનેસ મોડલમાં મોટો બદલાવ
ડિજિટલ પેમેન્ટ અને ક્રેડિટ માર્કેટમાં સક્રિય One MobiKwik Systems માટે આ એક મોટો માઈલસ્ટોન છે. રિઝર્વ બેંક ઓફ ઈન્ડિયા (RBI) એ કંપનીની સંપૂર્ણ માલિકીની સબસિડિયરી, MobiKwik Financial Services Private Limited (MFSPL) ને NBFC તરીકે કામ કરવા માટે સર્ટિફિકેટ ઓફ રજીસ્ટ્રેશન (CoR) આપી દીધું છે. ખાસ વાત એ છે કે આ લાયસન્સ પર્પેચ્યુઅલ (કાયમી) છે.
શું છે કંપનીની વ્યૂહરચના?
આ મંજૂરી સાથે, કંપની હવે માત્ર પેમેન્ટ ગેટવે કે ફેસિલિટેટર તરીકે નહીં, પરંતુ ડાયરેક્ટ લેન્ડિંગમાં પણ મોટા પાયે પ્રવેશ કરશે. આવનારા 3 થી 6 મહિનામાં કંપની બેંકો સાથે મળીને 'એસેટ-લાઈટ' (Asset-light) કો-લેન્ડિંગ મોડલ શરૂ કરવાની તૈયારીમાં છે.
રોકાણકારો માટે શું છે મહત્વનું?
આ મોડલ અપનાવવાથી કંપની પર બેલેન્સ શીટનું જોખમ ઘટશે અને માર્જિનમાં વધારો થવાની ધારણા છે. કંપની હવે પોતાની લેન્ડિંગ બુક તૈયાર કરવા સાથે ભાગીદાર બેંકોના કેપિટલનો ઉપયોગ કરીને ઝડપથી સ્કેલ કરી શકશે. આગામી બે ક્વાર્ટરમાં ક્રેડિટ ડિસ્બર્સમેન્ટનો વોલ્યુમ અને એસેટ ક્વોલિટી પર નજર રાખવી ખૂબ જ જરૂરી રહેશે.