Adani Enterprises Limited ના રોકાણકારો માટે ખુશખબર છે. CARE Ratings એ કંપનીનું લાંબા ગાળાનું ક્રેડિટ રેટિંગ વધારીને 'CARE AA; Stable' કર્યું છે, જે કંપનીના અત્યાર સુધીના ઇતિહાસમાં સૌથી ઉંચું રેટિંગ છે.
શું છે આ અપગ્રેડની અસર?
CARE Ratings એ Adani Enterprises ના લોંગ-ટર્મ ક્રેડિટ રેટિંગને 'CARE AA-; Stable' થી વધારીને 'CARE AA; Stable' કર્યું છે. આ રેટિંગ અપગ્રેડથી કુલ ₹26,000 કરોડ થી વધુના લોંગ-ટર્મ બેંક ફેસિલિટી અને નોન-કન્વર્ટિબલ ડિબેન્ચર્સ (NCD) પર સીધી અસર પડશે.
કંપની માટે આ કેમ ખાસ છે?
છેલ્લા 7 વર્ષ થી કંપની ઈન્ફ્રાસ્ટ્રક્ચર અને વિવિધ ઈન્ક્યુબેશન પ્રોજેક્ટ્સમાં આક્રમક રીતે મૂડીરોકાણ કરી રહી છે. આટલી મોટી મૂડી ખર્ચવા છતાં પણ કંપનીએ જે રીતે નાણાકીય શિસ્ત જાળવી રાખી છે, તેને ધ્યાનમાં રાખીને રેટિંગ એજન્સીએ આ મોટો નિર્ણય લીધો છે. આ ઉપરાંત, કંપનીના શોર્ટ-ટર્મ બેંક ફેસિલિટી અને કોમર્શિયલ પેપર માટે 'CARE A1+' રેટિંગને યથાવત રાખવામાં આવ્યું છે.
આગામી સમયમાં શું થશે?
આ અપગ્રેડનો સીધો ફાયદો કંપનીને ફંડ એકત્ર કરવામાં મળશે. વધુ સારું રેટિંગ એટલે કે માર્કેટમાં કંપનીની શાખ મજબૂત છે, જેનાથી ભવિષ્યમાં કંપનીને ઓછા વ્યાજ દરે લોન મળી શકે છે. હવે રોકાણકારોની નજર એ વાત પર રહેશે કે કંપનીનું ઈન્ક્યુબેશન બિઝનેસ, જેમાં ગ્રીન એનર્જી અને ડેટા સેન્ટર્સનો સમાવેશ થાય છે, તે કેટલો મજબૂત કેશ ફ્લો જનરેટ કરી શકે છે.